Scientific Student Conference
عالمنا العزيز .. يسعدنا أن تساعد مجتمعنا على النهوض من جديد بأن تكون أحد أعضاء فريق المؤتمر العلمى الطلابي


Scientific Student Conference

مـعـًا نـــحـقـق الحــلـم
 
الرئيسيةابحـثالتسجيلدخول

شاطر | 
 

 رأيك في الارتباط العاطفي؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Rody
عالم محترف
عالم محترف


انثى
السمك
القرد
عدد الــمــساهـمــات : 348
تاريخ الميلاد : 16/03/1992
العمر : 24
الفرقة : الثانية
القسم أو الشعبة : جيوفيزياء
تاريخ التسجيل : 05/02/2009
الأوسمة :

مُساهمةموضوع: رأيك في الارتباط العاطفي؟؟؟؟   الثلاثاء أغسطس 04, 2009 7:55 pm



بصراحه يا جماعه انا الموضوع كنت بفكر فيه من زمان بس دلوقتي انا شايفاه زياده اوي

هو ليه الحب ما بين اتنين ولد وبنت يعني شاغل معظم الشباب الولد ماشي يفكر في بنت والبنت ماشيه تفكر في ولد
وفكره الارتباط مسيطره بشكل مبالغ فيه على الشباب
والناس كلها بتفكر تعيش اللحظه ومش بتفكر في بكره خالص ولو فكرو في بكره بيتخيلوه زى ما هما عايزين مش بيفكرو بواقعيه
واغلب الشباب بيضيعو معنى الصداقه وبيضيعو ايام الجامعه بسبب انهم دايما بيفكرو في الحب وبيدورو عليه
والواحد او الواحده اول ما يحب ويرتبط ينسى الدنيا وينسى اصحابه وينسى اهله ويحس انه بكده مبسوط وساعات بتوصل انه بيخسر اصحابه فعلا وبيكون مش شايف ده وشايف ان اصحابه هما اللي بعدو عنه

ولو سألت حد من الشباب المرتبطين سواء ولد او بنت قبل ما يرتبطو عن اهم حاجه في حياتهم هيقول او هتقول الاصحاب او الدراسه او المستقبل او الاهل وبعد كده كل ده بيتغير وبيكون اهم حاجه الحب او الشخص اللي بيحبو طيب ازاى الاولويات بيتغير وشخص لسه عارفاه من يومين يكون اهم حد في حياتي واهلي او اصحابي او مستقبلي يكونو بعده او اني اكون بحب حد بس بفضل مصلحتي عليه وابيعه عشان اى حاجه فيها مصلحتي وارجه اعاتبه او اعامله عادي ولا كأني عملت حاجه

انا شايفه ان سننا في اولى وفي تانيه جامعه بنكون لسه مستوى تفكيرنا لسه صغير مش بمستوى ان احنا نحب ونقدر نختار صح
انا رافضه فكره الارتباط في الجامعه وخصوصا الارتباط بين ولد و بنت في نفس السن لان علميا كمان دايما البنت بيكون عقلها اكبر من الولد اللي في نفس سنها
وغالبا ما بتكون العلاقات دي فاشله حتى لو استمرت لان الارتباط بيدي للمرتبطين حقوق على بعض مش ليهم اى حق فيها وتحكمات مش ينفع ان اى حد بيفكر صح يوافق عليها او يرضى بيها

وكمان النماذج اللي انا بشوفها بحس انها مش اكتر من تسليه ومش حب حقيقي لان اصحابها من وجهة نظري تفكيرهم طفولي جدا يعني مثلا ازاى واحده تكون شايفه ان اصحابها كلهم مرتبطين فتدور على حد تترتبط بيه وتلاقي يكون حد معجب بيها بس هما مش لايقين على بعض خالص او مش شبه بعض وشحصياتهم مش متوافقه وترتبط لمجرد انها تلاقي حد معاها
او واحده تكون مرتبطه بواحد ومعجبه بواحد تاني وبتحب تشوف واحد تالت والحياه عادي جدا ما شاء الله
او ان بنتين اصحاب يخسرو بعض عشان ولد ويكون بيتسلى بيهم هما الاتنين ويخسرو بعض وهو عادي جدا يسيب الاتنين ويمشي
او ان يكون واحد بيحب واحده ويعرف غيرها وغيرها وحياته عادي ومعاها يفهمها انه مش يعرف حد غيرها

بجد بحس بنفاق جامد جدا في الارتباط انا فعلا مش مقتنعه بفكره الارتباط العاطفي دي تماما لازم يكون الاهل على علم وموافقين بكده
وشايفه ان الولد والبنت اللي هيرتبطو لازم يكون في فرق في السن على الاقل يكون الولد اكبر ب 5 سنين

انا عارفه اني هلاقي ناس كتير معترضه على رأيي بس انا عايزه اعرف اراء كل الناس
الرجوع الى أعلى الصفحة اذهب الى الأسفل
HaMaDa SaLaH
الإدارة العــــــامة
الإدارة العــــــامة


ذكر
العذراء
الحصان
عدد الــمــساهـمــات : 2431
تاريخ الميلاد : 08/09/1990
العمر : 26
العمل/الترفيه : طالب / مدير منتدى
الفرقة : الثالثة
القسم أو الشعبة : جيولوجيا
تاريخ التسجيل : 16/06/2008
الأوسمة :



مُساهمةموضوع: رد: رأيك في الارتباط العاطفي؟؟؟؟   الثلاثاء أغسطس 04, 2009 8:11 pm

بصراحة يا رودي أنا موافقك في كل كلمة في الموضوع المتميز دا

بيتهيألي أغلب العلاقات اللي بتتم في وقت الجامعة ده بتفشل في النهاية لأن الاختيار مبيكونش صح

ومن رأيي ان كل ما كير السن كل ما كان الإختيار صح أكتر

والفترة اللي احنا فيها دي مينفعش نختار فيها شريك حياتنا ، لانها تعتبر نهاية فترة المراهقة ، يعني قدامنا لحد سن 25 أو 30 سنة عشان نختار شريك حياتنا بصورة كويسة .
لكن لو اختارنا دلوقتي مش هيستمر معانا لأن عاطفتنا لسة مندفعة ومش مكتملة

وبحييكي مرة تانية ع الموضوع الجميل دا exactly

_________________

الـــتـــوقــيــع :
الرجوع الى أعلى الصفحة اذهب الى الأسفل
http://www.7elwan.3oloum.org
osamakhayyal
عالم مشهور
عالم مشهور


ذكر
السمك
الماعز
عدد الــمــساهـمــات : 1190
تاريخ الميلاد : 19/02/1991
العمر : 25
العمل/الترفيه : طالب على ما تفرج /سماع الشعر
الفرقة : الثانية
القسم أو الشعبة : جيولوجيا
تاريخ التسجيل : 31/12/2008
الأوسمة :



مُساهمةموضوع: رد: رأيك في الارتباط العاطفي؟؟؟؟   الثلاثاء أغسطس 04, 2009 10:00 pm

سبحان الله لاقيت حد بيفكر نفس تفكيري

سبحان الله ........!!!!!
انا مضطر اوافق لاني الكلام ناديت بيه في موضوع نجيب من الاخر
بس بالنسه لموضوع البنت دماغها اكير كم الولد
انا مش هتكلم بعنصرية الموضوع انا حاسس انه مالوش علاقة
مع احترامي لرأيك
بس الموضوع كله قايم على شخصية الراجل
عموما احييك على الموضوع
ومعتقدش حد حيغترض الا لو ما ركزش في الموضوع لانه الموضوع مافهوش غلطه

_________________

الـــتـــوقــيــع :
القدس عروس عروبتكم

فلماذا أدخلتم كل زناة الليل إلى حجرتها ؟؟

ووقفتم تستمعون وراء الباب لصرخات بكارتها

وسحبتم كل خناجركم

وتنافختم شرفا

وصرختم فيها أن تسكت صونا للعرض

فما أشرفكم






الرجوع الى أعلى الصفحة اذهب الى الأسفل
http://osamakhayyal.blogspot.com/
mony2009
عالم متميز
عالم متميز


انثى
الدلو
الحصان
عدد الــمــساهـمــات : 123
تاريخ الميلاد : 22/01/1991
العمر : 25
الفرقة : الثانية
القسم أو الشعبة : غير ذلك
تاريخ التسجيل : 16/04/2009

مُساهمةموضوع: رد: رأيك في الارتباط العاطفي؟؟؟؟   الثلاثاء أغسطس 04, 2009 11:04 pm

ممتاز جدا يا رودي موضوعك هاااايل وانا كمان ما بحبش الارتباط في الجامعة . بصراحة ما بشفهوش حب ممكن اندفاع او انبهار ايا تكن التسمية مش هتفرق كتير . السن والمرحلة اللي احنا فيها محتاجين ان احنا نكون اصحاب بجد وصداقات كتير . اصحاب مع بعضينا واخوات في بعضينا والدنيا زي الفل . بتبقى حلوة جدا على فكرة ان الواحد في الجامعة يكون ليه الجروب الصحاب بقة وقعدة حلوة احسن مليون مرة من الحب والكلام ده . كل حاجة في وقتها احسن . اي حاجة بتتولد في وقت مش وقتها ما بتعش . وكل العلاقات اللي بتحصل في الجامعة بتفشل عمرها ما بتكمل . لان احنا مش شافين كويس احنا لسة خبرتنا في الحياة مش كبيرة ولسة يا ما هنشوف وياما هنتعلم . كل ما ناخد كل حاجة في وقتها هيوفر علينا حاجات كتيييييييييير ومش هنخسر ولو خسرنا هنخسر حاجات قليلة اوي هتتعوض في المستقبل باللي احسن منها مليون مرة. ما حدش يستعجل على الارتباط دلوقتي . كل واحدة ليها واحد هترتبط بيه وكل واحد ليه واحدة هيرتبط بيها وهتكون ليه هو وبس وبالنسبة للبنت هيكون ليها هي وبس . المواضيع ده بتاعة ربنا كل واحد نصيبه محفوظ وماحدش هيخده غيره . بس ده مش معناه اني برفض فكرة الارتباط تماما لا بس في وقته يعني بعد الكلية هيكون الوقت مناسب اكتر بكتيييييييييييييييييير جدا .
الرجوع الى أعلى الصفحة اذهب الى الأسفل
http://www.google.com
F@t$$Jo0oe
عالم مشهور
عالم مشهور


ذكر
الجوزاء
الحصان
عدد الــمــساهـمــات : 636
تاريخ الميلاد : 03/06/1990
العمر : 26
العمل/الترفيه : زووووووووووول
الفرقة : الثانية
القسم أو الشعبة : جيولوجيا
تاريخ التسجيل : 25/03/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 12:55 am

ههههههههههههههههههههههههههههههههههههههههههههههههههههههه

موضوع حلو على فكرة
بس ده مجرد كلام عمر ما حد فينا هيمشي فيه
يمكن انتي كتبتي الموضوع ده النهارده
يمكن مريتي بقصة حب قبل كده و اتعلمتي اللي بتقوليه ده
و واخده انه خلاص ده اللي لازم يحصل
بس ممكن النهارده بكرة بعده اسبوع شهر سنه اتنين
تلاقي نفسك وقعتي من جديد ما تقنعنيش انك خلاص مش هتفكري
ده شيء مش هيحصل
القلب مفيش اضعف منه
و برده مفيش اقوى منه
ضعيف في حاجات
و قوي في حاجات جدا
انا اول ماجيت مصر
ده اول سنه ليا في مصر من سبع سنين
متربي مع السودانيين في الامارات
عمري ما فكرت في بنت خااااااااااااالص
كان موضوع رافضه خالص
اخويا الكبير و الصغير دول بلاوي في البنات انما انا بعيد تماااااااما
المهم اول ما نزلت مصر و دخلت الكلية كان ابن خالي يقولي يا حسن اول ما تخش الكلية حبيت تستفسر عن اي حاجة اسال بنت
و ليا واحد صحبي اوي قالي ده انت في اول يوم ده هتطلع بالميت ب 10 بنات اصحابك
و انا يومها ما اتعرفت غير على واحد حتى ولد و كان بالصدفة
و ما كنتش بفكر خالص في اي بنت ولا عايز اعرفهم
كنت اقول انا ليا اخت و خلينا كده عشان ربنا يوعدنا ببنت الحلال اللي اتمناها
و كل الكلام ده انا قلته و كنت ماشي بيه
بس هنعمل ايه في القلب
ووقعت بس ما حصلش نصيب
ملوش لازمة نخش في تفاصيل تانية
و انا دلوقتي مش بقول الارتباط وحش ولا لا بس هو خلاص بعدك انا مش عايز
اي وحدة اتعرف عليها اقولها انا مرتبط علطول من اول مرة عشان كسر الاقلوب ده حاجة صعبة اوي
بس و انا قاعد اهه مش عايز ارتبط تاني ليه ؟؟ عشان انا مش اي كلمة هكون قولتهالها اقدر اقولها لوحدة تانية
ابقا انا بكاش و كلام باكل بيه عقلها و ده شيء انا مش راضي بيه
و هية ده حياتي شخصتي اتغيرت و بقيت حاجة تانية خالص غيري ما يتوقعنيش بيها
كلهم بيقولا التغير ده للاحسن بس انا مش شايفه احسن
نفسي ارجع حسن الزول حياة تانية خالص
يوم ما بتحط راسك على المخدة بتنام مش بتقعد تفكر و تسرح و بعدين يروح النوم من عينك او تنام تحلم بيها
في حالك مرتاح البال و مفيش حاجة تشغلك او تقلقك اي حد يمكن مش مقدر الحاجات ده بس بجد ده حاجة انا بتحسر عليها والله و يصير خير
بالنسبة بقا لموضوع السن فده حاجة بظروفها
انا اخويا احمد الكبير خاطب وحدة اكبر منه بسنتين و بيحبوا بعض و الحياة حلوة بينهم
ابن خالي ارتبط بواحدة عرفها من اول سنه في المعهد بتاعه و خلصوا مع بعض و اتجوزوا و شغالين مع بعض و مخلفين ولد و بنت و الحياة حلوة
مش شرط السن يا جماعة الواحد بعقله و شخصيته مش بسنه والله الكلام ده غلط وربنا
ولا ارتبط بواحد جاهز مش مهم احبه ولا لا بس المهم انه جاهز و بعدين الحب هييجي
ده كله فشل مش نجاح
بالنسبة لموضوع الجامعة فماحدش يعرف نصيبه فين و كل الحوارات اللي بتقوليها ده يا رودي صحيحة و بتحصل
بس احنا مالنا هم يولعوا احنا لينا عقل
و اللي نشوفه صح نعمله
لكن الطيش ده حاجة تانية
يا جماعة كل اللي عايز اوصله ان ده موضوع بظروفه
التسلبة ده حاجة تانية و انك تنخدعي في حد ده حاجة تانية
ولاد الحرام كتير بس هنعمل ايه
بس اللي عايز يعمل الكلام ده
ده كلام عقل
يبقا لازم ما يكونش ليك قلب
و ده شيء مستحيل يا رودي يا برنسييييييييييييسة
و الحياة حلوة
خشي اقري اغنية انا كاتبها في النوتة الزرقا اسمها INSIDE i'M dying
و قوليلي رايك
هي ما بتتكملش عن الموضوع بالضبط بس فيها كم حاجة تفيد الموضوع و الف شكر يا رودي و
الحيااااااااااة حللللللللللللللللللللوة
yaho yaho yaho yaho yaho yaho yaho yaho yaho yaho
الرجوع الى أعلى الصفحة اذهب الى الأسفل
Rody
عالم محترف
عالم محترف


انثى
السمك
القرد
عدد الــمــساهـمــات : 348
تاريخ الميلاد : 16/03/1992
العمر : 24
الفرقة : الثانية
القسم أو الشعبة : جيوفيزياء
تاريخ التسجيل : 05/02/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 1:34 am


شكرا يا محمد ويا موني على رأيكم في الموضوع

شكرا ليك يا اسامه على ردك وبالنسبه الجزء بتاع البنت دماغها اكبر من الولد فدي حقيقه وانا وانت اتكلمنا في الجزئيه دي قبل كده وانت كنت موافقني في رأيي
واكيد ده ليه علاقه بالموضوع لان مش معقوله اتنين هيرتبطو اين كان شكل الارتباط ومستوى تفكيرهم مش متكافىء

اما بالنسبه للأخ حسن فانا كنت متوقعه انك مش هتوافقني في رأيي
بالنسبه للموضوع انا اتكلمت فيه لاني قابلت ناس موافقه بيه وبتعمل بيه فعلا يعني مش مجرد كلام
وانا شخصيا بعمل بالكلام ده وانا مش ارتبط قبل كده ولا حاجه يعني الكلام نتيجة تفكير مش تجربه اتعلمت منها
وانا تعودت اني افكر دايما في اى موضوع ومن كذا جانب عشان اوصل للقرار الصح
وبالنسبه للحالات اللي انت قلتها فمش دايما بتكون ناجحه
طبعا ربنا يسعدهم يارب لكن انا بردو شفت حالات ومش نجحت وطبعا موضوعي ده انا مش بعمم الفكره وبقول ان اللي بيحصل دايما غلط لا انما انا بتكلم عن الجزء الغلط اللي فيه

ويمكن اكون كتبت الموضوع ده لاني فيا حاجه انا بعتبرها ميزه اني بعرف اتحكم في مشاعري وفي قلبي كويس

وانا مش بتكلم عن الحب عموما انما انا بتكلم في الارتباط العاطفي وامور التسليه اللي بتحصل تحت اسم الحب

وانت بنيت قرارك انك مش هتحب ولا ترتبط وانت مسافر لانك مش كنت عايش في الجو ده اصلا ولما نزلت فكرتك اتغيرت لان حياتك اتغيرت بس انا بتعامل مع ولاد من ابتدائي وليا اصحاب كتير وكان ممكن ارتبط بس انا مش بقول حاجه واعمل حاجه تانيه وانا لو ارتبط الاكيد انه هيكون حد اكبر مني واهلي هيكونو عارفين لاني مش بعمل حاجه غلط

ياريت تكون وصلتك الفكره اللي انا بتكلم فيها وشكرا على ردك
الرجوع الى أعلى الصفحة اذهب الى الأسفل
se3da
عالم مشهور
عالم مشهور


ذكر
السمك
القرد
عدد الــمــساهـمــات : 553
تاريخ الميلاد : 06/03/1992
العمر : 24
الفرقة : الثانية
القسم أو الشعبة : علوم الارض
تاريخ التسجيل : 19/01/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 1:40 am



موضوع جميل يا رودي

بس انتي عارفه انا خلقت لاعترض

فيه ناس كتير يا رضوه بيرتبطو في الجامعه ربنا بيوفقهم وبيكملو وبيتجوزوا بس المشكله الكبيره مش في الشباب اللي بيحبو بعض يعني فيه فعلا شباب زي مبتقولي مش فارقه معاهم واحده راحت هيجي غيرها كتير بس المشكله اكبر من كده بكتير جدا

المشكله ان الولد دلوقتي وفي ناس كتير كده بتقول البنت هتخلص جامعه وهتتجوز مش هتستني تشتغل ولا نيله مش مهم تشتغل هي مش هتفتح بيت يعني هتخلص وهتلاقي اللي هيتجوزها ودا مووضع حصل قدامي

والشاب مبيبقاش عارف هيعمل ايه هيروح يتقدم يقول ايه لانو بيبقي لسه مشتغلش وطبعا معندش شقه ولا فلوس ولا نيله ودا بيحصل كتير جدا في البلد دي فبياخدها من قاصرها وبينفض للبنت والبنت نفس الحكايه مع اول عريس جاهز ليها بتفكر صح وبعقل وبتقول هتجوزوا وهترمي اللي بتحبوا والحكايه دي بتحصل كتير بردوو

يعني المشكله مش مشكله واحده لاقت اصحابها بيحبوا فحبت هي كمان ولو دا حصل لان هي مش لاقيه حد مهتم بيها غير الشاب دا وهو اللي بيسال عليها وهو اللي بيكلمها واصحابها كلها نفضولها بيبقي الشاب دا جدير فعلا انو يتحب او جدير انها تديله اهتمام والعكس لو حصلت الحكايه دي مع الشاب وبيلاقي البنت دي مهتميه بيه فالطبيعي مش هيفكر في واحده تانيه غير دي

بس بردو فيه حب زي اللي انتي بتقولي عليه يا رضوه زي متقولي كده تضييع وقت لغايه لما الاقي واحد احسن وانا مصادفتش دا الصراحه لغايه دلوقتي بس مسيري هصادف

وبردو يا رضوه مش دايما البنت بتكون اعقل من الولد في نفس السن جايز الولد عندوا اندفاع شويه بتقولو عليه مش اعقل من البنت بالعكس الشباب لو ركزوا في حياتهم اكتر هيكون فيه كلام تاني انا فعلا كنت بحس ان انا مندفع جدا في الكلام وبزعل جدا من حاجات كتير قلتها وانا مندفع بس دلوقتي اكتر حاجه اتعلمتها اني اركز في كل كلمه وكل حرف بقوله وكل حركه بعملها

وبشكرك يا رضوه علي موضوعك الهايل دا

الرجوع الى أعلى الصفحة اذهب الى الأسفل
http://www.7elwan.3oloum.org
Rody
عالم محترف
عالم محترف


انثى
السمك
القرد
عدد الــمــساهـمــات : 348
تاريخ الميلاد : 16/03/1992
العمر : 24
الفرقة : الثانية
القسم أو الشعبة : جيوفيزياء
تاريخ التسجيل : 05/02/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 1:57 am


وربنا وربنا وربنا كمان مره يا اسلام انا اسمي بيتكتب بال ى مش بال ه
وشكرا ليك يا سيدي على ردك وكلامك صح فعلا الولد بيكون وراه التزامات والبنت بتتجوز لما بتخلص (بس مش دايما ده بيحصل) وبينفضه لبعض طيب ليه الولد لما يرتبط مش تكون واحده اصغر منه بالتالي لما يجهز نفسه تكون هى خلصت دراسه بدل ما يحب وينفض ووجع القلب ده

وبالنسبه لان واحده تحب حد مهتم بيها فيكون جدير انه يتحب فالحب مش شفقه هلاقي حد بيحبني فاحبه لأ الحب شعور متبادل بين طرفين

وبالنسبه لمشاكل الشباب اللي انت اتكلمت عنها فمتهيألي ان الاهل دلوقتي بيقدرو وبتكون الالتزامات في الحدود المعقوله

وشكرا يا اسلام على ردك


عدل سابقا من قبل Rody في الأربعاء أغسطس 05, 2009 3:28 am عدل 1 مرات
الرجوع الى أعلى الصفحة اذهب الى الأسفل
F@t$$Jo0oe
عالم مشهور
عالم مشهور


ذكر
الجوزاء
الحصان
عدد الــمــساهـمــات : 636
تاريخ الميلاد : 03/06/1990
العمر : 26
العمل/الترفيه : زووووووووووول
الفرقة : الثانية
القسم أو الشعبة : جيولوجيا
تاريخ التسجيل : 25/03/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 2:25 am

روووووووووووووووووووووووووووووووووووووووووووووووووووودي
ههههههههههههههههههههههههههههههههههههههههههههههههههههه
بصي انا لما ضحكت ما كنتش بضحك او بتمسخر على كلامك
كده انا ابقا وحش مش قدامك بس
ده قدام الكل
و ده مش شخصيتي
فالزعل ملوش لازمة
لكن انا ضحكت على نفسي لاني انا كنت كده والله و بقيت حاجة تانية
فده صدقيني مجرد كلام
just talking
لان كتير كانوا كده و ربنا حتى معانا في الكلية و بقوا غير كده و رجعوا كده و هم اساسا مش بتوع كده
كفاية كدهات كده
اما بالنسبة لحكاية اخ فلو انتي فعلا بتعامليني على اساس اني اخوكي فده شيء انا احترمه جدا
و احطه فوق راسي ( بس ما يتعصش جل ) لو طالعة من زعل و نرفزة فانا اسف بس هو سوء تفاهم مش اكتر

المهم
احب احييكي على ردك
بس مافيش جو مختلف انا عشت في ابوظبي
و الجو مشابه تماما بس مصر مفتوحة اكتر
شيء كويس انك تتحكمي في مشاعرك و عواطفك
ده شيء جميل جدا
احب اقولك ان مفيش ارتباط من غير حب
بعدين التسلية و الحاجات التانية ده حاجات بقا ربنا اللي يتولاها
مين عارف ان اللي قدامه ده بيحبه بجد ولا بيتسلى
الجد هو اللي بتلاقيه عمل حاجة للمستقبل عشانك
طبعا مش مستقبل يعني جابلك شقة ولا الكلام ده في حاجات تانية
تعرفي بقا انه ده شاريني و يستاهلني
غير كده مووووووووووووه بالسلامة
بس يعني يا رودي
و برده
الحياة حلوة
يا روووووووووووووووووووووودي يا رقيييييييييقة




عدل سابقا من قبل F@t$$Jo0oe في الأربعاء أغسطس 05, 2009 3:34 am عدل 1 مرات
الرجوع الى أعلى الصفحة اذهب الى الأسفل
Rody
عالم محترف
عالم محترف


انثى
السمك
القرد
عدد الــمــساهـمــات : 348
تاريخ الميلاد : 16/03/1992
العمر : 24
الفرقة : الثانية
القسم أو الشعبة : جيوفيزياء
تاريخ التسجيل : 05/02/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 3:27 am


اولا انا كلمه اخ مش قصدي بيها حاجه خالص لان كل اللي في المنتدى اخواتي
ثانيا انا مش زعلت لاني لو كنت زعلت مش كنت عملت الموضوع من الاول لاني عملت الموضوع ده عشان نتناقش واعرف اراء مختلفه ومش كل الناس هتتفق معايا ده اكيد
وانت قلت انك مش ضحكت عليا رغم اني مش علقت على ضحكت خالص رغم انها مستفزه الى حد ما
اما بالنسبه لبنت الناس فشكرا بس ياريت مش تقولها تاني الكلمه مش زعلتني بس انا مش بحب الكلمه دي
ولو انا غيرت رأيي فده غلط اكيد لان الموضوع اللي انا اتكلمت فيه نقطه من وجهت نظري غلط جدا ومش معقوله هكون عارفه ومقتنعه تماما ان ده غلط وهعمله


الرجوع الى أعلى الصفحة اذهب الى الأسفل
F@t$$Jo0oe
عالم مشهور
عالم مشهور


ذكر
الجوزاء
الحصان
عدد الــمــساهـمــات : 636
تاريخ الميلاد : 03/06/1990
العمر : 26
العمل/الترفيه : زووووووووووول
الفرقة : الثانية
القسم أو الشعبة : جيولوجيا
تاريخ التسجيل : 25/03/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 3:33 am

اييييييييييييييييييييييييييييييييييييييييييييييييييييييييييييييييييييييييييييييييزي
و هتتغير حالا
و كلمة اخ بردوا ايزي انا متقبلها مادام مش من زعل
و الحياة حلوة


الرجوع الى أعلى الصفحة اذهب الى الأسفل
7ASSO
عالم مشهور
عالم مشهور


ذكر
العذراء
الماعز
عدد الــمــساهـمــات : 964
تاريخ الميلاد : 29/08/1991
العمر : 25
الفرقة : الثانية
القسم أو الشعبة : جيولوجيا
تاريخ التسجيل : 26/01/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 11:36 am

بصي يارودي الموضوع حلو جدا جدا جدا جدا جدا جدا جدا جدا وانا من زمان بقول ان الدماغ الجامدة هي رضوي وانا متفق معاكي في كل حاجة وخاصة ان الاصحاب ساعات بيضيعوا العلاقة اللي مابينهم علشان صارحوا بعض بالحب بدري اوي وانا فعلا جربت ده وندمان اني اتسرعت وضيعت علاقة الاصحاب بس خلاص هي نصيب اما موضوع فرق السن 5 سنين ده مش شرط انا شايف ان ساعات السن بيكون متساوي وبيكون التفكير من الاتنين مثالي وممتاز وبيعيشوا حياة كويسة اما موضوع ان البنت تخسر صحابها او الولد يخسر صحابه علشان قصة الحب فانا شايف اللي يعمل كده مش يستاهل ان حد يعرفه مش يصاحبه

بس بجد الموضوع هاااااااااااااااااااااااااااااااايل جدا

_________________

الـــتـــوقــيــع :

Ahlawy For Ever
الرجوع الى أعلى الصفحة اذهب الى الأسفل
Nada
عالم جديد
عالم جديد


انثى
الدلو
الماعز
عدد الــمــساهـمــات : 49
تاريخ الميلاد : 29/01/1992
العمر : 24
الفرقة : الثانية
القسم أو الشعبة : رياضيات وفيزياء وفلك
تاريخ التسجيل : 18/07/2009

مُساهمةموضوع: رد: رأيك في الارتباط العاطفي؟؟؟؟   الأربعاء أغسطس 05, 2009 2:49 pm

ف نظرى ان الارتباط من نظرى مالهوش سن او وقت
لان الحب زى القدر بيجيى ف اى وقت و اى زمان واى مكان
بس بيكون سليم جدالما يكون محاط بتفكير عقلى سليم

يعنى مثلا ميكونش الواد ابن الحلال دة ماشى عمال بيحب على نفسة و هو مش معاة تمن دبلة الخطوبة اللى هيشبك بيها البت اللى بيحبها
ولا البت برضة يكون ابوها وكيل وزارة وتروح تحب واحد بيشتغل فراش بعد الظهر
انا مش قصدى على المهنة..كل دة عمل شريف ولة تقديرة واحترامة اللى بيدور على شغل مهما كان الشغل دة بيبقى انسان حقيقى..
بس لازم ولابد اننا نعيش الواقع شوية ويكون فى تقارب ف المستويات الاجتماعية لان هو دة سبب المشاكل وفراق الاحباب ف وقتنا دة ونسيبنا من افلام الابيض ولااسود اللى فيها الزبال بيتجوز الاميرة ف نهاية الفيلم..
ملحوظة:انا مش مادية والله بس انا بقول واقعنا من وجهة نظرى....
الرجوع الى أعلى الصفحة اذهب الى الأسفل
Heba Osama
عالم جديد
عالم جديد


انثى
السمك
التِنِّين
عدد الــمــساهـمــات : 29
تاريخ الميلاد : 01/03/1988
العمر : 28
العمل/الترفيه : انا أتخرجت
الفرقة : خريج
القسم أو الشعبة : كيمياء ونبات
تاريخ التسجيل : 03/07/2009

مُساهمةموضوع: رد: رأيك في الارتباط العاطفي؟؟؟؟   الجمعة أغسطس 07, 2009 1:31 am

ممتازة يا رودي موضوعك أكتر من هايل و انا بأيدك في كل اللي قولتيه
...............................................
انا معاكي ان الحب في فترة الجامعة مش بيكون حب حقيقي ولو كان حب حقيقي ودا نادر ما تلاقية في الزمن دا و في المرحلة دي من العمر فهو مش بيدوم لبعد الجامعة
الحقيقة الولاد والبنات في المرحلة دي بيكونوا مندفعين و لسة مراهقين
وحبهم دا بيكون نوع من التعود مجرد تعود ع بعض
وتلا قيهم بيفكروا بقلوبهم مش بعقولهم وبيقابلوا مشاكل كتيرة جدا سواء إن كان في إرتباط أو مفيش ودا طبعا لأنهم بيكونوا في مرحلة انتقالية ما بين المدرسة (والمريلة والفيونكتين اللي في الشعر واتوبيس المدرسة اللي بياخدهم من قدام البيت لحد باب المدرسة) وبين حياة الجامعة والتحرر من بعض القيود - وليس كلها - والتعامل المباشر بين الولد والبنت . وإحساس البنت أنها أصبحت أنسة (مرغوب فيها ) وإحساس الولد أنه بقى (راجل والبنات معجبة بيه)
والحقيقة دي كلها بتكون أوهام في عقل كل واحد فيهم الولد لو بص للبنت تقول دا معجب بيا والبنت لو طلبت محاضرة من ولد يقول دي بتحبني
ومن هنا تلاقي كل واحد و واحدة عايشين في وهم الحب حتى لو كان من طرف واحد و تبدأ مشاكل السرحان والغيرة وكلهم بيفكروا إزاي يوصلوا حبهم للطرف التاني أو إزاي هيكون مستقبلهم مع بعض والولد تلاقية بيحضر المحاضرات بس عشان يقعد جنب اللي بيفكر فيها والبنت تلاقيها بتحضر المحاضرة عشان تكتب المحاضرة وتديها لحبيبها اللي دايما يسألها عن المحاضرات والنتيجة انهم بيفقدوا تركيزهم في الدراسة وفي الهدف الأساسي اللي داخلين الجامعة عشانه ( دا لو كان الإرتباط غير صريح وواضح بين الطرفين )

أما لو كان في أتفاق ع الأرتباط بين الطرفين فدا لية مشاكلة الخاصة...............
تلاقي الولد والبنت رايحين جايين مع بعض وفي المحاضرات قاعدين جنب بعض و في الإستراحه تلاقيهم بيتغدوا وبعدين يشربوا حاجة مع بعض ولو حد منهم مش عايز يحضر محاضرة (لأن الدكتور مش بينزل له من زور) فتلاقي الطرف التاني هو كمان مش بيحضر طبعا لأنة مش ينفع يسيبة لوحدة ولازم يوجب معاه و يا سلام لو كانوا أصحاب في جروب واحد تلاقيهم بيبعدوا عن أصحابهم طبعا هم مش واخدين بالهم من حاجة زي كدا ...........مش ملاحظين أن كل حاجة نقول أنهم مع بعض ؟
بس هي دي الحقيقة وزي مانتم لاحظتم كدا الناس والأصحاب والمعيدين والدكاترة أه متستغربوش حتى الدكاترة بيلاحظوا
ويبتدي الكلام يكتر من كل الناس من الأصحاب والأصدقاء والمعيدين يبتدوا يلمحوا بالكلام اللي يجرح أي حد محترم
وطبعا الرد وقتها هو أنهم متفقين ع الأرتباط بس طبعا بعد الجامعة لأنهم لسة بيدرسوا ومش ينفع يفاتحوا أهلهم في حاجة زي كدا لأنهم لسة صغيرين ( والله فيهم الخير أنهم لسة فاكرين أنهم طلبة وبيدرسوا )
المهم .... لو كملوا مع بعض الأربع سنين وانا أشك أنهم يستمروا أربع سنين
طبعاُ ممكن يكونوا فهموا بعض وتفكيرهم بقى واحد بس هيقابلوا مشاكل أكتر بعد الجامعة والحياة مش بتكون زي ما هم متخيلين البنت بتتخرج و بتلاقي العرسان بيتقدمولها وطبعا كلهم كويسين وماديا مبسوطين وهيوفروا للبنت كل اللي بتتمناه دا غير أنهم مش أكبر منها في السن بكتير ووسيم ومهذب والأم تقول لبنتها دا وقتك ودا سنك وافقي ومترفضيش العرسان قبل ما تكبري ومتلاقيش اللي يتجوزك طبعا البنت هتخاف وتبدأ تفكر في كلام أمها.
هتفكر المرة دي بعقلها مش بقلبها...وتلاقي ان حبيبها لسة صغير ولسة بدري قوي على ما ييجي يتقدم دا لسة قدامه جيش ولسة مش لاقي شغل كويس عشان يكون نفسة ويكمل حق الشبكة (اللي هي خاتم ودبلة والمحبس اللي هيقفل ع الدبلة عشان مش تقع )
وطبعاُ هو مش عندة شقة وتفكر يا ترى قدامة قد أيه عشان يقول انا مستعد أتجوز ؟ وتحس ان إجابة السؤال صعبة عليها وعليه ( نقول كدا 3 سنين كويسين عشان يكون عندة شقة دا لو كان حظه حلو ومدخلش الجيش
وتبدأ البنت تشوف عيوب حبيبها اللي كانت مش شايفاها ( طبعا لأن مراية الحب عامية زي ما بيقولوا )
من الاَخر الحب بيضيع
وكل واحد بيحاول ينسى التاني بأنه يعيش حياة جديدة مع حد تاني


بس لا الحياة القديمة نجحت ولا الحياه الجديدة هتنجح
عارفين ليه؟؟؟؟؟؟؟؟؟؟؟؟؟؟؟؟؟؟؟؟

لأن كل واحد فيهم أدى كل المشاعر اللي عنده للطرف الثاني طول فترة الإرتباط ومش باقي منها اللي يبدأوا بيه حياة جديدة و يدوه لحد تاني

والنتجة طبعاً جرح للطرفين وجرح وظُلم للطرف الجديد

انا أسفه جداً إني طولت عليكم بس بصراحة الموضوع جامد جداً و أستفزني انا أسفه مرة تانية
الرجوع الى أعلى الصفحة اذهب الى الأسفل
Rody
عالم محترف
عالم محترف


انثى
السمك
القرد
عدد الــمــساهـمــات : 348
تاريخ الميلاد : 16/03/1992
العمر : 24
الفرقة : الثانية
القسم أو الشعبة : جيوفيزياء
تاريخ التسجيل : 05/02/2009
الأوسمة :

مُساهمةموضوع: رد: رأيك في الارتباط العاطفي؟؟؟؟   السبت أغسطس 08, 2009 9:35 am


اولا شكرا ليكي على رأيك في الموضوع ومش في داعي للاسف لان انا كتبت الموضوع عشان نتكلم فيه براحتنا
ثانيا ردك جميل وواقعي وده اللي بيحصل فعلا
الرجوع الى أعلى الصفحة اذهب الى الأسفل
 
رأيك في الارتباط العاطفي؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Scientific Student Conference  :: الـمـعــمل الــعـــام :: اتـــكلم من قلبــــك-
انتقل الى: