Scientific Student Conference
عالمنا العزيز .. يسعدنا أن تساعد مجتمعنا على النهوض من جديد بأن تكون أحد أعضاء فريق المؤتمر العلمى الطلابي


Scientific Student Conference

مـعـًا نـــحـقـق الحــلـم
 
الرئيسيةابحـثالتسجيلدخول

شاطر | 
 

 أوعى حد مايقوملناش :@

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خوخه هانم
عالم شغال
عالم شغال


انثى
الجوزاء
الماعز
عدد الــمــساهـمــات : 52
تاريخ الميلاد : 13/06/1991
العمر : 25
الفرقة : الأولى
القسم أو الشعبة : بيولوجي
تاريخ التسجيل : 23/04/2009

مُساهمةموضوع: أوعى حد مايقوملناش :@   الأحد يوليو 19, 2009 3:43 pm

ياجماعة احنا لازم نعمل وقفة .. من اللى هيه كده

دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،


والأخت إيناس الدغيدى تطلع تقول قصدى تقلع تقول ان الراجل همجى مش بيعرف في المرأة غير جسمها،


والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ملبن..حوش شعرك عشان نشوف جمال عقلك يا قمر
والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟
كل الكلام ده ماشى


والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان



والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟
البنت طبق كشرى بحاله من الكبير ابو تلاتة جنيه.. زيه زى الولد بالظبط




والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه



طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا
المشكلة بقى مادام بيقولوا البنت زى الولد..أنا ليه باقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى أنا لما اركب المترو كام مرة في اليوم وكل مرة اكتشف انى لازم اقف عشانهم تبقى مشكلة
أدخل المترو في أمان الله واقعد بعد جهد جهيد وانا شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامى بالظبط وتعلـّى صوتها



وتقول لصاحبتها:


معدتش باقدر أقف كتير يا سنية..


ترد عليها زميلتها واللبانة ف بقها:



ومين سمعك يا حبيبتشى..


الدكتشور قال لى انى لو وقفت على رجلى خمس دقايق هارجًّع ع اللى قدامى علطول



وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه انا هاقوم ابوس ايديها انها تقعد مكانى.. والله لو خلعتى شعرك كله واديتهولى على سبيل المقايضة زى قدماء المصريين..برضه مش واقف


وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟



ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى


طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولالا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..



انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل


والبنت اللى في الجامعة آه لو شافت راجل في المترو.. هيغمى عليها من الخضة..



ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟


أيوة مادام فيه مساواة تبقى ف كل حاجة.

. زى ماانا باشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالتى يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب لى ف شعرها وتورينى دايما انها بتحط هيد أندشولدرز ضد القشرة عشان اقوم..لأنها زى ما بتحط هيد أندشولدرز أنا باحط برضه هيد أنشولدرز ومن الحجم الكبير كمان أبو عشرين جنيه..


المشكلة دى يحس بيها اللى بيركب المترو يوميا زيى.نفسى أحس انى جاى بدرى ولحقت كرسى بعرق جبينى وقاعد أصلى ركعتين شكر على الكرسى اللى فلت من بين يدى القوات الأنثوية الغاشمة


اوعى حد يفتكر انى مش باقوم عشان حد يقعد



.بس اقوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟



وكمان شوف الموقف ده.. اقف أنا عشان واحدة ست تقعد..واقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى أنا؟؟؟دانا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم:
ألف ليلة وليلة.. قصة كل ليلة..احكى ياشهرزاد.. احكى لشهريار


وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..



طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا


القاعدة



الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى لا دين ولا منطق بيأيده.



.بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.
لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك المعفن الطيب

خد معاك وانت راكب المترو
..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد


خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق


منقول
الرجوع الى أعلى الصفحة اذهب الى الأسفل
HaMaDa SaLaH
الإدارة العــــــامة
الإدارة العــــــامة


ذكر
العذراء
الحصان
عدد الــمــساهـمــات : 2431
تاريخ الميلاد : 08/09/1990
العمر : 26
العمل/الترفيه : طالب / مدير منتدى
الفرقة : الثالثة
القسم أو الشعبة : جيولوجيا
تاريخ التسجيل : 16/06/2008
الأوسمة :



مُساهمةموضوع: رد: أوعى حد مايقوملناش :@   الأحد يوليو 19, 2009 4:04 pm

هههههههههههههههههههههههه

ايه الموضوع الجامد دا

والله مت من الضحك

بس انا عمري ما بقف لأي حد غير لما يكون تعبان او كبير في السن

غير كدا انا بعمل نفسي ميت

موضوع جامد يا خوخة تسلم ايدك

_________________

الـــتـــوقــيــع :
الرجوع الى أعلى الصفحة اذهب الى الأسفل
http://www.7elwan.3oloum.org
خوخه هانم
عالم شغال
عالم شغال


انثى
الجوزاء
الماعز
عدد الــمــساهـمــات : 52
تاريخ الميلاد : 13/06/1991
العمر : 25
الفرقة : الأولى
القسم أو الشعبة : بيولوجي
تاريخ التسجيل : 23/04/2009

مُساهمةموضوع: رد: أوعى حد مايقوملناش :@   الأحد يوليو 19, 2009 5:30 pm

Thx Ya HaMada
الرجوع الى أعلى الصفحة اذهب الى الأسفل
osamakhayyal
عالم مشهور
عالم مشهور


ذكر
السمك
الماعز
عدد الــمــساهـمــات : 1190
تاريخ الميلاد : 19/02/1991
العمر : 25
العمل/الترفيه : طالب على ما تفرج /سماع الشعر
الفرقة : الثانية
القسم أو الشعبة : جيولوجيا
تاريخ التسجيل : 31/12/2008
الأوسمة :



مُساهمةموضوع: رد: أوعى حد مايقوملناش :@   الأحد يوليو 19, 2009 6:50 pm

الموضوع الحقيقة عجبني

ومضحك جدا
انا كنت ما بعقدش حد لما كنت بروح مشاوير طويلة
او كنت بعمل حاجة حلوة اعد في الراجعة واقف في الرايحة عشان ابقى ما ظلمتش حد
خدت حقي ودايت الناس حقهم
اما بالنسبة للمرأة والمجتمع
انا شايف البنت واخده حقها كويس في المجتمع
لكن موضوع المساواه ده استحالة مافيش حاجة اسمها مساواة الرجل بالمرأة
ربنا قال (وللرجال عليهن درجة )وقال (الرجال قوامون على النساء)
فا موضوع المساواة ما لوش اساسا خالص
ولكن.....
المرأة تظل عاى راسنا من فوق والنبي وصى عليهم كتير قبل ما يموت
ولهم جميع الحقوق الي الدين وصى بيها ليهم
لكن ما تعرفش ايه الكييف في موضوع المساواة وليه المرأة بتغفل كل ما اعطاه الدين ليها
والا المساواة
سبحان الله

_________________

الـــتـــوقــيــع :
القدس عروس عروبتكم

فلماذا أدخلتم كل زناة الليل إلى حجرتها ؟؟

ووقفتم تستمعون وراء الباب لصرخات بكارتها

وسحبتم كل خناجركم

وتنافختم شرفا

وصرختم فيها أن تسكت صونا للعرض

فما أشرفكم






الرجوع الى أعلى الصفحة اذهب الى الأسفل
http://osamakhayyal.blogspot.com/
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أوعى حد مايقوملناش :@   الأربعاء مارس 31, 2010 8:07 pm

هههههههههههههههههههههههههههههههههههههه


ايه يا بنتى؟؟؟
كرهتي الشباب ف البنات كلهم

أنا عن نفسى مش بعمل كده خاااااااااالص

ده أنا نسمة ف الهوا

و أساسا بركب ع طول عربية السيدات

موضوع جاااااااااااااااامد جدا .. تسلم ايدك

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
alyoyo
عالم شغال
عالم شغال


انثى
السمك
الديك
عدد الــمــساهـمــات : 72
تاريخ الميلاد : 14/03/1993
العمر : 23
الفرقة : الأولى
القسم أو الشعبة : غير ذلك
تاريخ التسجيل : 15/03/2010

مُساهمةموضوع: رد: أوعى حد مايقوملناش :@   الأربعاء مارس 31, 2010 8:54 pm

الموضوع حلو جدااا
بس انا حبيت أأكد كلام اسامة مع انى بنت بس انا بقول ان مفيش حاجة اسمها مساواة بين الرجل والمرأة بس طبعا مش فى كل حاجة
الرجوع الى أعلى الصفحة اذهب الى الأسفل
الشقى
unknown
unknown


ذكر
العقرب
الحصان
عدد الــمــساهـمــات : 1065
تاريخ الميلاد : 29/10/1990
العمر : 26
العمل/الترفيه : طالب
الفرقة : الثانية
القسم أو الشعبة : جيوفيزياء
تاريخ التسجيل : 20/02/2009
الأوسمة :

مُساهمةموضوع: رد: أوعى حد مايقوملناش :@   الخميس أبريل 01, 2010 2:45 pm

والله الواحد مش عارف يقولك ايه يا خوخة انا مبسوط ان الضحك رجع للقسم تانى ومستنى منكم احلى المواضيع

وبجد انا فضلت اضحك على المواضيع بتاعتك كلها


_________________

الـــتـــوقــيــع :





الرجوع الى أعلى الصفحة اذهب الى الأسفل
sohair
عالم مشهور
عالم مشهور


انثى
الجوزاء
الماعز
عدد الــمــساهـمــات : 1130
تاريخ الميلاد : 17/06/1991
العمر : 25
العمل/الترفيه : طالبه
الفرقة : الأولى
القسم أو الشعبة : غير ذلك
تاريخ التسجيل : 11/03/2010

مُساهمةموضوع: رد: أوعى حد مايقوملناش :@   الخميس أبريل 08, 2010 3:55 pm

الموضوع جامد

وعلى فكرة فعلا مش فى حاجه اسمها مساواه بين الراجل والست

الراجل راجل والست ست بس طبعا كل واحد عليه واجبات وليه حقوق هى ديه اللى لو كل حد

نفذ اللى عليه واخد اللى ليه مش حيبقى فى حاجه اسمها المساواه

اصل باقى لو حنساوى ما بين الراجل والست يبقى خلاص نخليهم هم الاتنين يحملوا ويولدوا ويربوا العيال

ونخليهم هم الاتنين يحاربوا ويشيلوا سلاح


موضوع جميل خوخه تسلم ايدك
وبجد ضحكت اوووى كمان
الرجوع الى أعلى الصفحة اذهب الى الأسفل
 
أوعى حد مايقوملناش :@
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Scientific Student Conference  :: ما تيــجــوا نهــزر !!! :: ضـــحـــكايــــة-
انتقل الى: