Scientific Student Conference
عالمنا العزيز .. يسعدنا أن تساعد مجتمعنا على النهوض من جديد بأن تكون أحد أعضاء فريق المؤتمر العلمى الطلابي


Scientific Student Conference

مـعـًا نـــحـقـق الحــلـم
 
الرئيسيةابحـثالتسجيلدخول

شاطر | 
 

 هي لازم تفهم اني مش مَدَبّ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خوخه هانم
عالم شغال
عالم شغال


انثى
الجوزاء
الماعز
عدد الــمــساهـمــات : 52
تاريخ الميلاد : 13/06/1991
العمر : 25
الفرقة : الأولى
القسم أو الشعبة : بيولوجي
تاريخ التسجيل : 23/04/2009

مُساهمةموضوع: هي لازم تفهم اني مش مَدَبّ   الثلاثاء يوليو 14, 2009 9:16 pm


واحد قاعد مع صحبه فى قهوه
ماسك الشيشه بايد وببشوح بالايد التانية ومنفعل
انا مش مَدَبّ.. انا مش عارف هي جابت الكلام ده منين؟
صاحبه:اهدى بس -
كل ما اقولها حاجة.. تقولي انا مَدبّ.. حمارة مبتفهمش في المشاعر
صاحبه:احكيلي ايه الي حصل -

قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان و موكاها ونزلت.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل
ودي اللي طالع عليها العته


اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي


دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟
عاطفة و اشواق وحب على أبوه من الأصلي
هي دي الرومانسية
شوف بقي غباوتها اللي جايه
قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين
قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. .. كل ده ومش رومانسي
انتي لازم تعملي اختبار ذكاء.. . غباء غريب
دا انا وديتك اماكن ماروحتيهاش وصرفت عليكي
و كلمتلك عن وشك وجسمك يا تخينة..
دا احنا مثقفين زي بعض وبلاش كده
ولاّ لازم تحملي مني علشان نتجوز..
عجبتني قوي اخر جملة دي.. رحت عدتها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد
وفي الاخر البني آدمة تبعتلي مسج تقولي
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت غبية.. مبتفهمش.. مبتفكرش



في حمورية و غباء كده.. قولي
في حد كده ؟
الرجوع الى أعلى الصفحة اذهب الى الأسفل
7ASSO
عالم مشهور
عالم مشهور


ذكر
العذراء
الماعز
عدد الــمــساهـمــات : 964
تاريخ الميلاد : 29/08/1991
العمر : 25
الفرقة : الثانية
القسم أو الشعبة : جيولوجيا
تاريخ التسجيل : 26/01/2009
الأوسمة :

مُساهمةموضوع: رد: هي لازم تفهم اني مش مَدَبّ   الثلاثاء يوليو 14, 2009 10:01 pm

الموضوع حلو اوي اوي ياخوخة هانم وعايز اوجهله نصيحة اسال نفسك الاول مين اللي مدب وهتعرف ياغبيييييييييييييييييييييييييييييييييييييييييييييي

_________________

الـــتـــوقــيــع :

Ahlawy For Ever
الرجوع الى أعلى الصفحة اذهب الى الأسفل
HaMaDa SaLaH
الإدارة العــــــامة
الإدارة العــــــامة


ذكر
العذراء
الحصان
عدد الــمــساهـمــات : 2431
تاريخ الميلاد : 08/09/1990
العمر : 26
العمل/الترفيه : طالب / مدير منتدى
الفرقة : الثالثة
القسم أو الشعبة : جيولوجيا
تاريخ التسجيل : 16/06/2008
الأوسمة :



مُساهمةموضوع: رد: هي لازم تفهم اني مش مَدَبّ   الأربعاء يوليو 15, 2009 12:36 am

ههههههههههههه

لا مش مدب خالص

موضوع جميل يا خوخة

_________________

الـــتـــوقــيــع :
الرجوع الى أعلى الصفحة اذهب الى الأسفل
http://www.7elwan.3oloum.org
 
هي لازم تفهم اني مش مَدَبّ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Scientific Student Conference  :: ما تيــجــوا نهــزر !!! :: ضـــحـــكايــــة-
انتقل الى: