Scientific Student Conference
عالمنا العزيز .. يسعدنا أن تساعد مجتمعنا على النهوض من جديد بأن تكون أحد أعضاء فريق المؤتمر العلمى الطلابي


Scientific Student Conference

مـعـًا نـــحـقـق الحــلـم
 
الرئيسيةابحـثالتسجيلدخول

شاطر | 
 

 لغة أم سياسة ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: لغة أم سياسة ؟   الثلاثاء أغسطس 24, 2010 7:51 pm

كنتُ أسمعهم يقولون Sorry ، Merci ، Bye.. كثر أن يقولوا مثل هذه الكلمات ، و ظلت العجلة تدور و تتكاثر كلماتهم لتصبح Cool ، Peace .... حتى إنـّنى فى لحظاتٍ يسرقنى إلحاحهم ، فاضطر للرد عليهم باللغات التى يتحدثون بها ..
لكنّ هناك سؤالا ، لا زال يراوضنى .. هذا الإعراض عن لغتنا ، هـَـجر الزوج ، و تكوين علاقات مع الأجنبيات ، ما مصدره ؟ ما وراءه ؟ .. لمَ كلُّ هذا ؟
وصل هذا السؤال معى إلى أكثر الصيغ تعقيدًا ، و هى " لغة أم سياسة ؟ "
السبب وراء هذا الانسلاخ من الحرف العربى هل هو ..
تهرب من اللغة ، ناجم عن شعور الفرد العربى بعدم تمكنه من اللغة العربية و عدم إجادته لها ؟
أم ..
تهرب من القومية العربية ، ناجم عن كراهية الفرد العربى للأوضاع التى يعانى منها العرب التى جعلت أقلاء الإيمان منهم يشخـّصون القومية العربية فى شخصٍ يكرهونه ؟

إذا كان السبب أنّ الفرد العربى ليس متمكنـا من اللغة العربية ، يبقى السؤال ، و هل الفرد العربى متمكن من اللغات غير العربية من الأصل ؟
فأغلب هؤلاء الذين يهجّـنون العربية بالكلمات الأعجمية لا يفقهون فى لغات الغرب غير القليل ، و أنا شخصيًا فى مواقفَ عدّة أصحّح لهم الكثير !!!
بل حين تقول لى فتاة (أو يقول لى شاب) Merci ، و أرد عليها (عليه) قائلا Vous êtes les bienvenus تحدّق (يحدّق) فىْ و كأنـّـنى اتحدث العبرية !

و إذا كانت الفصحى ليست سهلة ، أرى أنّ هناك منها السهل .. و أرى أن إذا كانت الفصحى بالغة الصعوبة ، فهناك العاميّة. لكنـّـى لستُ اقتنع أنّ صعوبة الفصحى فى نظر هؤلاء تدفع بهم إلى التحدث بغير العربية أصلا !

أريد أن أفهم هل السبب فى هذه الحماقة التى يفعلها منـّا البعض بلغتنا المجيدة ، لغة القرآن الكريم ، مجرد اللغة؟ أم هناك الأبعاد السياسية؟ ، أم هناك من الأسباب ما لم أفكر بها؟

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: لغة أم سياسة ؟   الأربعاء أغسطس 25, 2010 8:22 am

الباش مهندس كتب:
كنتُ أسمعهم يقولون Sorry ، Merci ، Bye.. كثر أن يقولوا مثل هذه الكلمات ، و ظلت العجلة تدور و تتكاثر كلماتهم لتصبح Cool ، Peace .... حتى إنـّنى فى لحظاتٍ يسرقنى إلحاحهم ، فاضطر للرد عليهم باللغات التى يتحدثون بها ..
لكنّ هناك سؤالا ، لا زال يراوضنى .. هذا الإعراض عن لغتنا ، هـَـجر الزوج ، و تكوين علاقات مع الأجنبيات ، ما مصدره ؟ ما وراءه ؟ .. لمَ كلُّ هذا ؟
أنا زيى زيك تمام ف الموضوع ده

أخدت الجنبين أو الكفّتين (سمّيهم زى ماتسمّيهم)
المهم يعنى

> ف المرة الأولى كنت أنا ممن يقولون : Bye , Merci , Sorry و تطوّرت إلى ماهو أبعد من ذلك
بقيت بقول :
- قول مثلاً = Say
- جيب م الآخر = So
- حاضر أو ماشى = Ok
و هكذا ..
> ف المرة التانية كنت أنا ف صفك .. حاولت انى أبعد بقدر الإمكان عن الكلمات دى و أحاول أفهم احنا ليه بنعمل كده

فبالنسبة لسؤالك (و بما انى كنت من الناس اللى انت بتتكلّم عنهم) هرد و أقوللك الأسباب اللى خلّتنى أعمل كده و كنت بعملها مع مين :
1/ أوضّح ثقافتى الإنجليزية الفذّة قدام حد مابيعرفش غير عربى و بس
2/ كنت بزوّد أوى من الكلمات دى لما بنكون مع ناس من طبقة راقية من المجتمع (رجال أعمال ...إلخ)
3/ أبيّن لصحباتى انى مش أقل منهم لما بيقولوا الكلمات دى
4/ كنت ساعات أوى أزوّد كلمات جديدة أعرفها بحيث اللى قدامى يسألنى عن معناها و أقول : ازاى ماتعرفش معناها؟؟ دى معناها كذا (و أوضّح ثقافتى الفذّة برده)

ده يا سيدى اللى خلّانى أعمل كده
مجرد تقليد أعمى لزميلاتى ف الثانوى لما دخلت و لقيتهم مغيّرين الكلام خالص
كنت بقول على العطر >> برفان .. هما قالوا : برفم (بالانجليزى يعنى)
احنا الاتنين غلط
فأنا بدل ما أصححلهم و أخلّيهم يعرفوا الكلمة الصح ف اللغة العربية لده (وهى العطر)
عملت ايه؟؟
قلّدتهم و على الموضة امشى و ساير ..

طب ماشى .. قول علينا صغيّرين و عقلنا فاضى
لكن تقول ايه ف الشباب اللى مصممين على انهم يدّخلوا الكلمات دى ف لغتنا؟؟
لا و ايه كمان؟؟ الفرانكو اللى انتشر ..
(بدأ يخف شوية دلوقت على فكرة)

هو عمومًا عمومًا كل المصريين دول قلّدوا مين؟؟
قلّدوا الناس اللى فوق ف مصر
و الناس اللى فوق ف مصر قلّدوا مين؟؟
قلّدوا بلاد لبنان و الجزائر
طب و لبنان و الجزائر قلّدوا مين؟؟
ماقلّدوش حد .. هما اللى أخدوا كلام بلاد برا و دخّلوه لغتنا

مش عارفة ليه الموضوع ده فكّرنى بقصيدة إيمان بكرى "حظى العفش" اللى بتقول :

وقّعنى حظى العفش
فى قعدة ستاتى
نسوان كمالة عدد
وعقلهم فاضى
....

مغيّرين طبعهم
وملوّنين وشهم
واللحمة من عزهم
بمبة بلون خدهم
عنابى يا أخواتى

....
عايشين ومش عايشين
وعرايا مش لابسين
وكل شىء عندهم
ماشى وشىء عادى

....
الره قالوها غين
والنشأة أبصر فين
ولكل واحدة جوز
جنتل قوى وكلبوظ
بتدلعه دادى


أنا شايفة ان الطبقة دى من الناس (مش الستات بس يعنى) هى اللى خلّت الشباب دخّلوا ف دماغهم فكرة ان اللى يتكلّم زي الطبقة دى يبقى منها و بالتالى قلّدوهم

ده رأيى يعنى ..

الباش مهندس كتب:
وصل هذا السؤال معى إلى أكثر الصيغ تعقيدًا ، و هى " لغة أم سياسة ؟ "
السبب وراء هذا الانسلاخ من الحرف العربى هل هو ..
تهرب من اللغة ، ناجم عن شعور الفرد العربى بعدم تمكنه من اللغة العربية و عدم إجادته لها ؟
أم ..
تهرب من القومية العربية ، ناجم عن كراهية الفرد العربى للأوضاع التى يعانى منها العرب التى جعلت أقلاء الإيمان منهم يشخـّصون القومية العربية فى شخصٍ يكرهونه ؟
أريد أن أفهم هل السبب فى هذه الحماقة التى يفعلها منـّا البعض بلغتنا المجيدة ، لغة القرآن الكريم ، مجرد اللغة؟ أم هناك الأبعاد السياسية؟ ، أم هناك من الأسباب ما لم أفكر بها؟
الحقيقة أنا شايفة انك واخد الموضوع عنها بحتة لافّة شوية ممكن ماتكونش موجودة أصلاً

يعنى دخّلت السياسة ف الموضوع .. مع انى مش شايفة لها أى علاقة بالموضوع
الموضوع له علاقة أكتر بالنظام الطبقى و العدالة الاجتماعية أكتر من انه يكون سياسى

هو ممكن يكون تهرّب من الجنسية العربية أصلاً
انت لو ادّيت للشباب فرصة انهم يتخلّوا عن قوميتهم و عن لغتهم و يعيشوا بالخارج .. هيتخلّوا

الموضوع مجرد نقص موجود عند الشباب
عاوزين يبقوا حاجة كبيرة أوى و بيحاولوا يعملوا ده ولو كان على حساب لغتهم
بس ..

لو عندك رأى تانى قولهولى

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
HaMaDa SaLaH
الإدارة العــــــامة
الإدارة العــــــامة


ذكر
العذراء
الحصان
عدد الــمــساهـمــات : 2431
تاريخ الميلاد : 08/09/1990
العمر : 26
العمل/الترفيه : طالب / مدير منتدى
الفرقة : الثالثة
القسم أو الشعبة : جيولوجيا
تاريخ التسجيل : 16/06/2008
الأوسمة :



مُساهمةموضوع: رد: لغة أم سياسة ؟   الأربعاء أغسطس 25, 2010 4:15 pm

في الحقيقة الموضوع فعلا بقى منتشر جدا

انا نفسي ببقى كدا في بعض من الاوقات

ويمكن الاسباب اللي سارة قالتها هي اقرب للحقيقة

اقتباس :
/ أوضّح ثقافتى الإنجليزية الفذّة قدام حد مابيعرفش غير عربى و بس
2/ كنت بزوّد أوى من الكلمات دى لما بنكون مع ناس من طبقة راقية من المجتمع (رجال أعمال ...إلخ)
3/ أبيّن لصحباتى انى مش أقل منهم لما بيقولوا الكلمات دى
4/ كنت ساعات أوى أزوّد كلمات جديدة أعرفها بحيث اللى قدامى يسألنى عن معناها و أقول : ازاى ماتعرفش معناها؟؟ دى معناها كذا (و أوضّح ثقافتى الفذّة برده)



وهبا اكيد مالهاش علاقة خالص بالسياسة
انا شايف ان الشباب بيعتبرها كنوع من التقدم او التحضر

وشكرا على الموضوع ياباش مهندس

_________________

الـــتـــوقــيــع :
الرجوع الى أعلى الصفحة اذهب الى الأسفل
http://www.7elwan.3oloum.org
 
لغة أم سياسة ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Scientific Student Conference  :: الــمـــنــــــارة :: قــســم اللــغات-
انتقل الى: