Scientific Student Conference
عالمنا العزيز .. يسعدنا أن تساعد مجتمعنا على النهوض من جديد بأن تكون أحد أعضاء فريق المؤتمر العلمى الطلابي


Scientific Student Conference

مـعـًا نـــحـقـق الحــلـم
 
الرئيسيةابحـثالتسجيلدخول

شاطر | 
 

 حوار مع مدخن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: حوار مع مدخن   الجمعة مارس 26, 2010 11:52 am


حوار مع مدخن
=============

انت مش مقتنع ان السجائر حرام وبتحللها؟؟
بالله عليك جاوب
smile
1-هل تسمي او تذكر الله وانت تدخن؟؟

2-هل تقول الحمد لله عندما تنتهي من السيجارة؟؟

3-هل هناك مأكول أو مشروب غير الدخان تطأه بحذائك عندما تنتهي منه؟؟

4-هل يسرك أن تري ابنك يدخن؟؟؟

5-هل من السنة أن تفطر في رمضان علي سيجارة؟؟

6-إذا طلب منك ان تصنف....
.. جميع المأكولات والمشروبات,أما من الطيبات او الخبيثات...اين تضع
السيجارة؟؟

7-هل شرب السجائر من الصفات الحميدة التي تود أن يأخذها عنك اولادك؟؟

8-اذا رآك أحد الملتزمين تأكل بيدك اليسري فسوف يلفت انتباهك ليدك اليمني...فلماذا لا يفعل المثل اذا رآك تدخن باليسري؟؟

9-هل يدخل اهداء الرجل لأخيه سيجارة يدخل في قول حبيبك صلي الله عليه وسلم ((تهادوا تحابوا))ـ؟؟؟

10-هل يوجد اي طعام او شراب غير الدخان يكتب عليه ضار جدا بالصحة ويسبب الوفاة؟؟

11-وان كان هنا منتج اخر هل من العقل ان تستخدمه؟؟؟

12-هل كلفت نفسك مرة بالبحث عن تاريخ صلاحية السيجارة؟؟ولماذا؟؟

13-هل تعلم مدي تأثيرها علي ((صلاحيتك))الشخصية؟؟

14-انت تجادل وتقول انها ليست محرمة بل مكروهة...هل هناك عاقل يصر ان يكون مكروها من الله سبحانه؟؟؟

15-ان تدعي انها من الصغائر وانت تشرب عشرين سيجارة يوميا...الا تعدل العشرين صغير-علي حد زعمك-كبيرة واحدة؟؟

16-كيف تنفق المال علي السجائر وانت سعيد بينما تحارب لتصرف علي اهلك؟؟؟

17-من الأقل بلاهة الشخص الذي يشتري الدخان ليحرقه ويضر نفسه ام الذي يحرق الاموال يوميا ويرميها في القمامة؟؟؟

18-هل جهزت اجاباتك عندما يسألك الله عن عدم التصدق علي الفقراء والجار الذي يتضور جوعا؟؟هل ستكون الاجابة اني انفقتها علي التدخين؟؟

19- ماذا تفهم من قوله تعالي ويحل لهم الطيبات ويحرم عليكم الخبائث
وقوله ولا تلقوا بأيديكم إلي التهلكة؟؟؟



اخي لا تخدع نفسك ولا تكابر وقول الحق ولا تتهرب من الحقيقة المرة وتوكل علي الله وأقلع عن هذه الخبائث قبل أن يداهمك هادم اللذات حيث لا ينفع الندم

وجزاك ربي الفردوس الأعلي


منقول للافادة

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
glade
عالم مشهور
عالم مشهور


ذكر
الميزان
القرد
عدد الــمــساهـمــات : 880
تاريخ الميلاد : 27/09/1992
العمر : 24
الفرقة : الأولى
القسم أو الشعبة : فيزيائية
تاريخ التسجيل : 13/10/2009
الأوسمة :

مُساهمةموضوع: رد: حوار مع مدخن   الجمعة مارس 26, 2010 1:05 pm

بارك الله فيكي يا عصايه
حوار رائع
وربنا يبعدنا عن السجائر وشرها
ويهدي من يشربها
ويبطلوها لانها عادة وليست عبادة
واكيد بالعزيمه ان شاء الله هيتوقفوا عنها ولكن
لازم يكون في نية
واشكرك
الرجوع الى أعلى الصفحة اذهب الى الأسفل
arwa rashad
عالم مشهور
عالم مشهور


انثى
السرطان
القرد
عدد الــمــساهـمــات : 1004
تاريخ الميلاد : 09/07/1992
العمر : 24
الفرقة : الأولى
القسم أو الشعبة : بيولوجي
تاريخ التسجيل : 26/12/2009
الأوسمة :



مُساهمةموضوع: رد: حوار مع مدخن   الجمعة مارس 26, 2010 1:24 pm

جميل اوى موضوعك

انا شخصيا بحتقر الانسان المدخن دا جدا ايا كان هوا مين
ومش بقبل منه اى نصيحه لانه مش قادر يساعد نفسه
فازاى هايساعدنى
وشكرا عصايه عالموضوع
الرجوع الى أعلى الصفحة اذهب الى الأسفل
ahmed mansour
عالم مشهور
عالم مشهور


ذكر
الميزان
الماعز
عدد الــمــساهـمــات : 597
تاريخ الميلاد : 02/10/1991
العمر : 25
العمل/الترفيه : طالب/ممثل
الفرقة : الأولى
القسم أو الشعبة : علوم الارض
تاريخ التسجيل : 24/01/2009
الأوسمة :



مُساهمةموضوع: رد: حوار مع مدخن   الجمعة مارس 26, 2010 1:42 pm

اولا : شكرا ع الموضوع يا عصايه
ثانيا : انا مش هلومك على اى كلمه فى الموضوع لانه منقول
ثالثا :عندى بقى شوية ملحوظات ع الموضوع : 1/ الموضوع بيقول ان المدخن هايعمل ايه لما ربنا ييجي يساله عن الصدقات و الفقرا
انا عاوز اعرف مين اللى قال ان المدخنيين مش بيتصدقوا و مش بيعملوا خير ؟؟؟؟؟؟
2/ مين اللى قال ان من الحرام تسمية الله او ذكره اثناء التدخين؟؟؟؟؟؟؟
رابعا : رد " اروى راشد " لما قالت انها بتحتقر كل من يشرب السجائر ايا كان انا عاوز اسالك سؤال : هل ترضى ان انا اجى ع المنتدى و اقول انى بكره و بحتقر كل البنات المحجبات ايا كانوا ؟؟؟؟؟؟؟؟ بيتهيالى ان ده هيزعلك انتى و بنات كتير .....بس

_________________

الـــتـــوقــيــع :
الرجوع الى أعلى الصفحة اذهب الى الأسفل
glade
عالم مشهور
عالم مشهور


ذكر
الميزان
القرد
عدد الــمــساهـمــات : 880
تاريخ الميلاد : 27/09/1992
العمر : 24
الفرقة : الأولى
القسم أو الشعبة : فيزيائية
تاريخ التسجيل : 13/10/2009
الأوسمة :

مُساهمةموضوع: رد: حوار مع مدخن   الجمعة مارس 26, 2010 2:06 pm

واحدة واحدة يا ابو منصور ده نقاش
ومينفعش انك تشبه الحجاب بالسجائر
اساسا
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: حوار مع مدخن   الجمعة مارس 26, 2010 2:14 pm

اول حاجة يابو صلاح هدى نفسك الحكاية مش طالبة صوت عالى
تانى حاجة مش كل المدخنين مش بيتصدقوا وبردة مش كل المدخنين بيتصدقوا مش كل المخنين حلوين وبردة مش كلهم وحشين
وبعدين اية علاقة الحجاب بالسجاير
مفيش اى علاقة التدخين عادة(عادة سيئة)
اما الحجاب فدة(فرض) وكمان ربنا امرنا بالحجاب زى منهانا عن التدخين ولا انت اية رايك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شكرا ع الموضوع يا عصاية
الرجوع الى أعلى الصفحة اذهب الى الأسفل
arwa rashad
عالم مشهور
عالم مشهور


انثى
السرطان
القرد
عدد الــمــساهـمــات : 1004
تاريخ الميلاد : 09/07/1992
العمر : 24
الفرقة : الأولى
القسم أو الشعبة : بيولوجي
تاريخ التسجيل : 26/12/2009
الأوسمة :



مُساهمةموضوع: رد: حوار مع مدخن   الجمعة مارس 26, 2010 2:26 pm

اقتباس :
رابعا : رد " اروى راشد " لما قالت انها بتحتقر كل من يشرب السجائر ايا كان انا عاوز اسالك سؤال : هل ترضى ان انا اجى ع المنتدى و اقول انى بكره و بحتقر كل البنات المحجبات ايا كانوا ؟؟؟؟؟؟؟؟ بيتهيالى ان ده هيزعلك انتى و بنات كتير .....بس


اشكرك على ردك
ودا رايك الشخصى وانا مقدرش اناقشك فيه
لان كل واحد فاهم الحياه بطريقته واسلوبه الخاص
معتقدش انك هاتغير رايك لو انا ناقشتك
وزى ما انا رديت انت كمان رديت

الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: حوار مع مدخن   الجمعة مارس 26, 2010 2:37 pm

اقتباس :
اولا : شكرا ع الموضوع يا عصايه
ربنا يخليك يا منصور .. أنا فعلا كنت مستنية ردك ع الموضوع ده
اقتباس :
ثانيا : انا مش هلومك على اى كلمه فى الموضوع لانه منقول

فعلا الكلام منقول وأنا نقلته لانى بصراحة شفت انه ممكن يغير فكر أى شاب عن التدخين
اقتباس :
ثالثا :عندى بقى شوية ملحوظات ع الموضوع : 1/ الموضوع بيقول ان المدخن هايعمل ايه لما ربنا ييجي يساله عن الصدقات و الفقرا
انا عاوز اعرف مين اللى قال ان المدخنيين مش بيتصدقوا و مش بيعملوا خير ؟؟؟؟؟؟
2/ مين اللى قال ان من الحرام تسمية الله او ذكره اثناء التدخين؟؟؟؟؟؟؟

أنا متفقة معاك ف كل كلمة انت قلتها

هو فعلا مفيش أى آية ف القرآن نزلت بتحريم التدخين أو ان المدخنين ملعونين أو أى شىء من هذا القبيل
لكن انت مش شايف ان المنظر العام لما يبقى الواحد بيدخن و ماسك القرآن ف ايده بيذكر ربنا مش حلو؟؟
أنا بصراحة عمرى ما شفتها
ليه؟؟؟
لان فيه احترام للكتاب اللى بين ايديك وهو القرآن

اقتباس :
رابعا : رد " اروى راشد " لما قالت انها بتحتقر كل من يشرب السجائر ايا كان انا عاوز اسالك سؤال : هل ترضى ان انا اجى ع المنتدى و اقول انى بكره و بحتقر كل البنات المحجبات ايا كانوا ؟؟؟؟؟؟؟؟ بيتهيالى ان ده هيزعلك انتى و بنات كتير .....بس
أنا عن نفسى عادى جدا لو اتعاملت مع شخص مدخن ومش بحتقرهم ولا حاجة

هى بس أروة من كتر تعصبها للموضوع قالت كده
لكن هى لو بصت للى بتتعامل معاهم حواليها (الأشخاص الكبار) هتلاقى معظمهم من المدخنين
بس هى الفكرة ف حاجة واحدة بس
ليه أساسا اخترت التدخين؟؟ هو وجع قلب و خلاص؟؟؟

أما بالنسبة لجزئية الحجاب دى يا منصور فأنا الصراحة أتمنى انك كنت بتقول كده كرد للموضوع
وانك فعلا ده مش رأيك كده ف البنات المحجبات
و فعلا أنا هزعل جدا لو سمعت ان فيه حد عربى و مسلم و فكره عالى زيك يا منصور قال كده




و ف النهاية عاوزة أقوللك بص ع بعض الردود اللى انت قلتها ف مواضيع سابقة قبل كده

أنا من ردودك دى قدرت أكون (ولو جزء بسيط) معلومات عن شخصيتك
اقتباس :
انا بقى عاوز اسال البنات سؤال

ليه مش بتسلموا ع الولاد بايديكم " وماحدش يقولى حرام عشان ايد البنت مش عوره" ؟؟؟؟؟

انا عارف ان السؤال ده هايفتح عليا ابواب جهنم وهابقى فى نظر ناس كتير عيل فاسق و فلاتى بس بجد عاوز اعرف

اقتباس :
هو بالنسبه بس للسؤال بتاع رنيم اللى هو : ايه صفات البنت المحترمه فى وجهة نظرنا احنا ف احب اقولك ان دى بتختلف من شخص للتانى ف مثلا اللى جاوب قبلى كان كل وجهة نظره فى البنت المحترمه انها بتبان اول ما يشوفها من طريقة لبسها و هو فى ده بيشبه اللى يلاقى كتاب مكتوب عليه من بره مثلا : اسرار الكون ف ينبهر بيه جدا و بعدين يفتح الكتاب يلاقيه اصلا قصة اطفال و ده رايه و انا بحترمه بس انا ليا وجهة نظر تانيه ان البنت المحترمه اكيد اكيد مش هتبان من شكلها هو اوكى الشكل عامل مهم لكن مش عامل اساسى والا لو كان هو اهم حاجه كانت المنقبه هاتبقى اطهر واحده فى الكون بس ده برده مش شرط لان فى بنات بيلبسو كت و بيبقوا محترمين جدا وانا اعرف برده منقبات بيبقوا قمه فى قلة الادب
ف انا وجهة نظرى فى البنت المحترمه انها تكون بس بتحترم نفسها يعنى بتحترم امكانيتها اللى ربنا ادهالها و بالذات بنات كلية علوم يعنى المفروض انه من اذكى بنات مصر ف انا نفسى اشوف بنت واحده فى كلية علوم مهتمه بالعلم اللى هى داخله الكلية دى عشان تدرسه
يعنى مثلا ايه فايدة ان يبقى فى بنت مؤدبه و مش بتكلم ولاد و ماحدش يعرف يمسك عليها غلطه بس ماتعرفش الفرق بين النهاية والداله
ف ابدا ماكانش الشكل معبر عن احترام البنت اللبس ده حاجه بتاعتها تلبس اللى هى عاوزاه هى و شياكتها بقى لكن دماغها دى ممكن تبقى البنت مش جميله ولا اى حاجه لكن عقلها بيخليها اجمل واحده فى نظر المحيطين بيها


و ده كان موضوع لحاسو عن الحجاب :

اقتباس :



ودي كفاية لارتداء الحجاب ارتدي ايتها الفتاة حجابك فهو فرض وصون لكي وياريت بناتنا مش يزعلوا
و ده كان ردك عليه :
اقتباس :
???????????????????????????????????????????

أنا كل اللى عاوزة اسألهولك يا منصور هو : "ليه؟؟؟"

و بس كده

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
arwa rashad
عالم مشهور
عالم مشهور


انثى
السرطان
القرد
عدد الــمــساهـمــات : 1004
تاريخ الميلاد : 09/07/1992
العمر : 24
الفرقة : الأولى
القسم أو الشعبة : بيولوجي
تاريخ التسجيل : 26/12/2009
الأوسمة :



مُساهمةموضوع: رد: حوار مع مدخن   الجمعة مارس 26, 2010 2:49 pm

اشكرك يا عصايه على عقليتك وحياديتك للموضوع

وانا هارد بانى كل اللى اقصده فى انى بحتقر الانسان المدخن
هوا ان ليها اضرار كتيره اوى والناس كلها بتلكم عنها
فليه نبقى عارفين ان دا غلط ونعمله
انا بزعل اوى لما الاقى حد كبير فالسن بيشرب سجاير
طب مش خايف على صحتك
طب حتى حافظ على الباقى من حياتك عشان ولادك
الاعمار بيدى الله لكن ليه نعجل بالخراب
وكمان بحزن اوووى لما الاقى شاب معداش العشرين ولا التلاتين بيدخن
طب ليه تبدا حياتك بالغلط وكلنا عارفين انه غلط وحرام و.....و.... و...
وكلام كتير
لما الاقى بقى الانسان دا بيعمل كده اكيد مش هاقبل منه اى نصيحه
وبس هيا دى وجهه نظرى
الرجوع الى أعلى الصفحة اذهب الى الأسفل
sarah
عالم بيفكر
عالم بيفكر


انثى
الدلو
الماعز
عدد الــمــساهـمــات : 292
تاريخ الميلاد : 25/01/1992
العمر : 24
الفرقة : الأولى
القسم أو الشعبة : جيولوجيا
تاريخ التسجيل : 11/10/2009

مُساهمةموضوع: رد: حوار مع مدخن   الجمعة مارس 26, 2010 3:02 pm

الله يابنتي والله موضوع جميل وبالنسبة للكلام الكتيييير الي انتو قولتوه فااحنا بننتقد الحاجة الغلط يا منصور مش الصح كلامك دة ماينفعش بأي شكل من الاشكال انك تضرب بيه مثل
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: حوار مع مدخن   الجمعة مارس 26, 2010 3:11 pm

شكــرًا على الموضوع يا عصاية
جزاكِ الله كل خير

بس احب اقول حاجة
التدخين مش دلالة على الفساد ، و عدم التدخين مش دلالة على الصلاح ..
السادات ماكنش بيبطل تدخين ، و مبارك مش بيدخن ، دا معناه ان مبارك أحسن من السادات؟
هو مثال قد يكون غير مقنع ، بس اللى عايز اقوله ان فيه مدخنين كويسين ، و ليهم تأثير كبير جميل على حياتنا
و ياما فيه غير مدخنين خاربينهالنا فوق و تحت


و عليه ؛ فالحوار مع المدخن لا بد أن ينقد التدخين و ليس المدخن
و فى آرائنا و أفكارنا ، لا بد أن نفرق بين التدخين و المدخن
التدخين حاجة غلط مجموعة مننا بيعملها ، الناس المفروض تحاول تساعد المجموعة دى على انها تبطل تدخين ، دا من خلال اننا نقف جنبهم و نقنعهم بان التدخين غلط ، لكن مش ننقبض عنهم تمامًا
و بعيدها .. التدخين و عدم التدخين ليسا دلالة على فساد أو صلاح الشخص


و انا شايف الحجاب تم ذكره فى الموضوع
طبعًا الحجاب فريضة و لا غبار على هذا
شعر المرأة عورة ، الحجاب يستر الشعر ، بدون الحجاب ينكشف الشعر ..
إذًا فالحجاب فرض
و هو ليس مجالا لتبادل الآراء
تبادل الآراء لما بيتم بيكون فى كيفية تطبيق الفرض
و ساعات بيكون عن السنن نفسها
بس مش عن الفروض
لكن عمومًا برضه
ممكن تكون بنت غير محجبة ، بس على خلق و شخصيتها كويسة
ممكن تكون بنت محجبة ، و تكون كانها مش لابسة حجاب خالص ، و انا اعتقد ان حساب النوع دا عند ربنا عسير اكتر من اللى مالبسش الحجاب أصلا لانه لبسه من برا و داس عليه من جوا
يبقى مش طالما البنت غير محجبة ، مش المفروض نتعامل معاها ، لأ طبعًا لان الواحد بيتعامل مع شخصية متكاملة لازم يكون فيها عيوب زى ما فيها مزايا.

يبقى التدخين حرام شرعًا ، و عدم ارتداء الحجاب حرام شرعًا ؛ بس علينا أن نعلق على الذنب نفسه و ليس المذنب
و دا أسلوب الدعاة الناجحين على فكرة
انهم مش بيلوموا العاصى ، بيلوموا المعصية و بيحبوا العاصى و بياخدوا بإيده و بيساعدوه ، مش بياخدوا منه موقف و ينقبضوا عنه ؛ هم بياخدوا موقف من المعصية نفسها مش من العاصى

و آسف على الإطالة

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
ahmed mansour
عالم مشهور
عالم مشهور


ذكر
الميزان
الماعز
عدد الــمــساهـمــات : 597
تاريخ الميلاد : 02/10/1991
العمر : 25
العمل/الترفيه : طالب/ممثل
الفرقة : الأولى
القسم أو الشعبة : علوم الارض
تاريخ التسجيل : 24/01/2009
الأوسمة :



مُساهمةموضوع: رد: حوار مع مدخن   الجمعة مارس 26, 2010 3:24 pm

اولا بالنسبه لرد اروى " الى بحترمها و بقدرها" انا عاوز اقولك انه مش معنى انى انتقدت اسلوبك فى طرح الموضوع انى مش هاتعامل معاكى تانى و عمرى ما هاقتنع بارائك بالعكس والله اى حاجه تقدرى تقنعينى بيها انا هاقتنع و هانفذ
ثانيا بالنسبه لعصايه " اللى بعتبرها اختى الصغيره ونفسى اتعرف عليها فى الحقيقه "
اولا بشكرك على الرد الحيادى والموضوعى
ثانيا بالنسبه لسؤالك اللى هو ليه؟؟؟؟؟
انا هارد بكلمه واحده ليه ايه بالضبط؟؟؟؟؟؟
انا شايف ان الامثله اللى انتى جايباها مفيهاش حاجه مش واضحه
يعنى 1/ موضوع سؤالى عن عدم سلام البنات بالايد انا سالت السؤال ده لان بجد الموضوع ده خنقنى جدا عشان كذا مره ابقى رايح اسلم على واحده ومادد ايدي تقوم كاسفانى و تقولى لأ انا مابسلمش
2/بالنسبة لموضوع ردى على سؤال رنيم انا رديت الرد ده فعلا لان انا اتخنقت من الازدواجيه اللى بقت فى المجتمع المصرى اللى بقى اهم حاجه عنده المظهر وانسى الجوهر يا معلم
و البنت اللى يبقى لبسها مش محاكى لارشادات شيوخ السلفيه المتخلفين تبقى مش كويسه وبنت ستين فى سبعين
3/ بالنسبه للصوره بتاعت حاسو اللى كان ردى عليها علامات استفهام
ده الصوره دى البنات المفروض يبقوا هما اول ناس يعترضوا عليها لان دى بتمثل اكبر اهانه للبنت لانها بتشبها بقطعة الحلوى اللى مالهاش اى لازمه فى الحياه غير انها تتاكل و تمتع اكلها بالطعم الحلو
وبالتالى بينفى اى قيمة للبنت غير طعمها الحلو
و بيشبه البنت المحجبه بحتة الحلاوه اللى احنا مغطيينها عشان الراجل اللى هاييجي ياكلها و يستمتع طعمها الحلو
والبنت اللى مش محجبه بيهينها و يشبها بحتة الحلاوه المكشوفه اللى كل واحد معدى بياخد منها لحسه و دى اهانه ليها
انتهى ردى واشكرك بجد يا عصايه على اثارتك للموضوع ده عشان كان ممكن ناس كتير تفهم غلط

_________________

الـــتـــوقــيــع :
الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: حوار مع مدخن   الإثنين مارس 29, 2010 9:18 pm

اقتباس :
بالنسبه لعصايه " اللى بعتبرها اختى الصغيره ونفسى اتعرف عليها فى الحقيقه "
بشكرك على الرد الحيادى والموضوعى
ربنا يخليك يا منصور ده بس من ذوقك . انت و أعضاء كتير ع المنتدى بعتبرهم زى اخواتى تمام
اقتباس :
ثانيا بالنسبه لسؤالك اللى هو ليه؟؟؟؟؟
انا هارد بكلمه واحده ليه ايه بالضبط؟؟؟؟؟؟
انا شايف ان الامثله اللى انتى جايباها مفيهاش حاجه مش واضحه
هى الحكاية مش حكاية انها مش واضحة يا منصور


الحكاية هى ان ردودك فاجئتنى و خلتنى أكوّن (زى ماقلت قبل كده) صورة لشخصيتك
حتى من قبل ما أشوفك
بصراحة شخصيتك تشبه الممثلين الى حد كبير
أتمنى انك تكون اللى نفسك فيه ف يوم من الأيام


أنا بس بوضح لك أنا ليه قلتلك : "ليه؟؟"

اقتباس :
1/ موضوع سؤالى عن عدم سلام البنات بالايد انا سالت السؤال ده لان بجد الموضوع ده خنقنى جدا عشان كذا مره ابقى رايح اسلم على واحده ومادد ايدي تقوم كاسفانى و تقولى لأ انا مابسلمش
أنا هرد ع سؤالك

أنا عن نفسى مابسلمش ع شباب بناءا ع طلب بابا
لان بابا قاللى : بلاش سلام بالايد
اقتباس :
2/بالنسبة لموضوع ردى على سؤال رنيم انا رديت الرد ده فعلا لان انا اتخنقت من الازدواجيه اللى بقت فى المجتمع المصرى اللى بقى اهم حاجه عنده المظهر وانسى الجوهر يا معلم
و البنت اللى يبقى لبسها مش محاكى لارشادات شيوخ السلفيه المتخلفين تبقى مش كويسه وبنت ستين فى سبعين
لأ طبعا الملابس مالهاش أى علاقة بأدب البنت

بس ماينفعش يعنى واحدة تكون لابسة ضيق ف ضيق و جسمها كله عريان
وتقول انها غاية ف الاحترام!!!!
بصراحة أول مرة أشوف شاب رأيه كده

أنا عارفة انك ممكن تختلف معايا ف الموضوع ده بالذات
بس عاوزة أقوللك انى قصدت "الملابس الفاضحة" مش مجرد الملابس الضيقة

اقتباس :
3/ بالنسبه للصوره بتاعت حاسو اللى كان ردى عليها علامات استفهام
ده الصوره دى البنات المفروض يبقوا هما اول ناس يعترضوا عليها لان دى بتمثل اكبر اهانه للبنت لانها بتشبها بقطعة الحلوى اللى مالهاش اى لازمه فى الحياه غير انها تتاكل و تمتع اكلها بالطعم الحلو
وبالتالى بينفى اى قيمة للبنت غير طعمها الحلو
و بيشبه البنت المحجبه بحتة الحلاوه اللى احنا مغطيينها عشان الراجل اللى هاييجي ياكلها و يستمتع طعمها الحلو
والبنت اللى مش محجبه بيهينها و يشبها بحتة الحلاوه المكشوفه اللى كل واحد معدى بياخد منها لحسه و دى اهانه ليها
الصراحة يا أحمد أنا فهمتك غلط (وأنا اعتذر)

أنا افتكرتك بتسخر من موضوع الحجاب و ده شىء ضايقنى جدا
و بجد أنا سعيدة جدا بتوضيحك
و انت لو شفت ردى ع الموضوع هتلاقينى كنت فعلا متضايقة من تشبيه البنت بقطعة الحلوى

طول عمرى من و أنا صغيرة كانوا يقولولنا ف المدرسة
"البنت لازم تحافظ ع نفسها . زى البسبوسة المتغطية الطازة . أحسن من البسبوسة اللى متلم عليها الذباب"
و دى أنا معاك فى أنها اهانة للمرأة
و طبعا حاسو مشكور ع الموضوع لان هدفه كان محاولة حماية بنات جيله
و ده شىء أحييه عليه و مفيش لوم عليه أبدا من عرض الموضوع


اقتباس :
انتهى ردى واشكرك بجد يا عصايه على اثارتك للموضوع ده عشان كان ممكن ناس كتير تفهم غلط
ولا يهمك يا منصور الشكر لله..

و ياريت تقدر ان ردى ده كان بس لتوضيح سبب قولى كده
و ياريت ماتزعلش من حاجة أنا قلتها وانت زى أخويا الكبير بالظبط

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: حوار مع مدخن   الإثنين مارس 29, 2010 9:21 pm

الباش مهندس كتب:
شكــرًا على الموضوع يا عصاية
جزاكِ الله كل خير

بس احب اقول حاجة
التدخين مش دلالة على الفساد ، و عدم التدخين مش دلالة على الصلاح ..
السادات ماكنش بيبطل تدخين ، و مبارك مش بيدخن ، دا معناه ان مبارك أحسن من السادات؟
هو مثال قد يكون غير مقنع ، بس اللى عايز اقوله ان فيه مدخنين كويسين ، و ليهم تأثير كبير جميل على حياتنا
و ياما فيه غير مدخنين خاربينهالنا فوق و تحت


و عليه ؛ فالحوار مع المدخن لا بد أن ينقد التدخين و ليس المدخن
و فى آرائنا و أفكارنا ، لا بد أن نفرق بين التدخين و المدخن
التدخين حاجة غلط مجموعة مننا بيعملها ، الناس المفروض تحاول تساعد المجموعة دى على انها تبطل تدخين ، دا من خلال اننا نقف جنبهم و نقنعهم بان التدخين غلط ، لكن مش ننقبض عنهم تمامًا
و بعيدها .. التدخين و عدم التدخين ليسا دلالة على فساد أو صلاح الشخص


و انا شايف الحجاب تم ذكره فى الموضوع
طبعًا الحجاب فريضة و لا غبار على هذا
شعر المرأة عورة ، الحجاب يستر الشعر ، بدون الحجاب ينكشف الشعر ..
إذًا فالحجاب فرض
و هو ليس مجالا لتبادل الآراء
تبادل الآراء لما بيتم بيكون فى كيفية تطبيق الفرض
و ساعات بيكون عن السنن نفسها
بس مش عن الفروض
لكن عمومًا برضه
ممكن تكون بنت غير محجبة ، بس على خلق و شخصيتها كويسة
ممكن تكون بنت محجبة ، و تكون كانها مش لابسة حجاب خالص ، و انا اعتقد ان حساب النوع دا عند ربنا عسير اكتر من اللى مالبسش الحجاب أصلا لانه لبسه من برا و داس عليه من جوا
يبقى مش طالما البنت غير محجبة ، مش المفروض نتعامل معاها ، لأ طبعًا لان الواحد بيتعامل مع شخصية متكاملة لازم يكون فيها عيوب زى ما فيها مزايا.

يبقى التدخين حرام شرعًا ، و عدم ارتداء الحجاب حرام شرعًا ؛ بس علينا أن نعلق على الذنب نفسه و ليس المذنب
و دا أسلوب الدعاة الناجحين على فكرة
انهم مش بيلوموا العاصى ، بيلوموا المعصية و بيحبوا العاصى و بياخدوا بإيده و بيساعدوه ، مش بياخدوا منه موقف و ينقبضوا عنه ؛ هم بياخدوا موقف من المعصية نفسها مش من العاصى

و آسف على الإطالة
بسم الله ما شاء الله عليك يا أحمد

يابنى ماتبقاش تجيب كل اللى عندك كده (ممكن تتحسد)
بجد انت جبت من الآخر و طبعا مفيش بعد ردك رد
أنا مقتنعة بكل كلمة انت قلتها تماما
شكرا بجد ع مرورك و ردك اللى مش عارفة أوصفه بايه

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
LOZY
عالم متميز
عالم متميز


انثى
الاسد
القرد
عدد الــمــساهـمــات : 165
تاريخ الميلاد : 27/07/1992
العمر : 24
الفرقة : الأولى
القسم أو الشعبة : بيولوجي
تاريخ التسجيل : 01/01/2010

مُساهمةموضوع: رد: حوار مع مدخن   الإثنين مارس 29, 2010 11:12 pm

[size=24]شكرا بجد على موضوعك الرائع ده يا عصايه وربنا يهدى كل واحد بيشربها يارب


بس بجد انا بستغرب من حاجهمنين بيكتبوا عليها ضاره بالصحه وبيصنعوها

طب ما يمنعوها خالصوالناس كده هتبقى قدام الامر الواقع ويوم بعد يوم هتتنسى[/size]
الرجوع الى أعلى الصفحة اذهب الى الأسفل
arwa rashad
عالم مشهور
عالم مشهور


انثى
السرطان
القرد
عدد الــمــساهـمــات : 1004
تاريخ الميلاد : 09/07/1992
العمر : 24
الفرقة : الأولى
القسم أو الشعبة : بيولوجي
تاريخ التسجيل : 26/12/2009
الأوسمة :



مُساهمةموضوع: رد: حوار مع مدخن   الإثنين مارس 29, 2010 11:17 pm

اقتباس :
اولا بالنسبه لرد اروى " الى بحترمها و بقدرها" انا عاوز اقولك انه مش معنى انى انتقدت اسلوبك فى طرح الموضوع انى مش هاتعامل معاكى تانى و عمرى ما هاقتنع بارائك بالعكس والله اى حاجه تقدرى تقنعينى بيها انا هاقتنع و هانفذ

اشكرك جدا يا احمد

والاحترام والتقدير متبادل والله
وانت قولت رايك وانا قولت راى
ورايك يحترم وفوق دماغى طبعا
واشكر عصايه طبعا لانها فتحت باب المناقشه فى الموضوع
الرجوع الى أعلى الصفحة اذهب الى الأسفل
 
حوار مع مدخن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Scientific Student Conference  :: الــواحـــة الاســلامــيــة :: المنتدى الإسلامى العـــام-
انتقل الى: