Scientific Student Conference
عالمنا العزيز .. يسعدنا أن تساعد مجتمعنا على النهوض من جديد بأن تكون أحد أعضاء فريق المؤتمر العلمى الطلابي


Scientific Student Conference

مـعـًا نـــحـقـق الحــلـم
 
الرئيسيةابحـثالتسجيلدخول

شاطر | 
 

 أخطاء شائعة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: أخطاء شائعة   الأحد فبراير 14, 2010 11:18 pm


السلام عليكم و رحمة الله و بركاته
هناك اخطاء لغوية نقع فيها كثيرًا أثناء الكتابة
ساتحدث عنها فى هذا الموضوع على شكل حلقات
بحيث لا يمل القارئ و يقرأ كل ما كتب بدون ضجر
لعل و عسى تعم الفائدة و يتحسن الجانب اللغوى لدينا

و إذا ودَّ أحدٌ أن يسأل فليتفضل مشكــورًا



حلقات

الحلقة الأولى .. التاء المربوطة
الحلقة الثانية .. الــواو (و)
الحلقة الثالثة .. زكى أم ذكى؟
الحلقة الرابعة .. فاطر أم مفطر؟
الحلقة الخامسة .. نفذ أم نفد؟
الحلقة السادسة .. نحن نختلف عن الآخرون ؟!!
الحلقة السابعة .. مبروك
الحلقة الثامنة .. لكـــى أنتــــى يا من أردتــــــــــى !!
الحلقة التاسعة .. التنوين
الحلقة العاشرة .. هو ثاء ، ليس ساء
الحلقة الحادية عشر .. ترتيب الحروف
الحلقة الثانية عشر .. اسأل استشير


أسئلة و إجابات

(ى) أم (ي)؟ .. عصاية هانم
(تعالى) أم (تعالَ)؟ .. عصاية هانم

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول



عدل سابقا من قبل الباش مهندس في الجمعة يوليو 09, 2010 2:55 pm عدل 19 مرات
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: الحلقة الأولى التاء المربوطة   الأحد فبراير 14, 2010 11:25 pm




مما يلفت انتباهى فى ما يكتبه الناس ... هذا الخطأ الشنيع.
أراهم يضعون محل كل تاء مربوطة ( ة ) لا تنطق .. هاء ( هـ ).
و حين أقول ( يا بشرية دى حتى اسمها ت مربوطة ) ...
يجيبون قائلين ( احنا مش بننطقها ت .. احنا بننطقها هـ ).
فإليكم القاعدة التى اتمنى أن تفهموها و تقتنعوا بها ...
تنطق التاء فى آخر الكلمة فى حالة الوصل أما فى حالة القطع فتنطق هاء.

قد لا يزال الكلام غامضًا .. فى التالى بعضٌ من التوضيح ...
الوصل يا جماعة مقصود بيه انى مش هقف فى وسط الكلام. و مثال على ذلك ..
رابطةُ مشجعى النادى الأهلى كبيرة.
هنا الـ ( ة ) اللى فى كلمة ( رابطة ) لا بد أن تُنطق لاننا وصلنا الكلمة مع اللى بعدها على طول.

القطع بقى يقصد بيه اننا هنقف ( سنتوقف عن الكلام ). و من أمثلة ذلك ...
آثار مصر عريقة.
هنا الـ ( ة ) اللى فى كلمة ( عريقة ) ماينفعش ننطقها عشان احنا وقفنا عندها.

الوصل و القطع مفهوم فى أتم صوره عند الناس اللى بتقرأ قرآن و هى عالمة بأحكام التجويد جيدًا.
المهم بقى ان فى كل الحالات الـ ة بنحط فوقها النقطتين لانها تاء و ليست هاء.
ملحوظة >> ليس الوصل يحدث عند الإضافة فحسب لكنّه واجب عند الإضافة .. و لهذا استخدمت فى المثال المذكور فى الوصل ... الإضافة.

اتمنى الكلام يكون سهل و لو فيه أى اسئلة يا ريت تسألوا بدون كسوف.

دى لغتنا احنا يا جماعة ... مايصحش مانكُنش عارفين نتكلمها صح ع الاقل.

للعودة للمشاركة الأولى اضغط هنا


_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول



عدل سابقا من قبل الباش مهندس في الجمعة فبراير 19, 2010 11:09 am عدل 2 مرات
الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أخطاء شائعة   الأحد فبراير 14, 2010 11:56 pm

شكرا ع الموضوع الجميل واللى أنا واثقه انه هيفيدنا كلنا

وبالنسبه لأول خطأ فالحمدلله مش بعملله
(عقبال الباقى)
شكرا يا أحمد

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   الإثنين فبراير 15, 2010 12:01 am




شرفنى مرورك يا عصاية
شكــرًا على كلامك الجميل
بس انتى كتبتى


عصايه هانم كتب:
شكرا ع الموضوع الجميل واللى أنا واثقه انه هيفيدنا كلنا
وبالنسبه لأول خطأ فالحمدلله مش بعملله
(عقبال الباقى)
شكرا يا أحمد



و دا الخطأ اللى الحلقة عنه
المفروض تكتبى واثقة بالـ ة
و بالنسبة بالـ ة برضه

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أخطاء شائعة   الإثنين فبراير 15, 2010 12:42 am

هههههههههههه

أنا فاشله ف اللغه العربيه
بس هتعلم منكم من أول وجديد
شكرا ع التوضيح يا أحمد

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   الإثنين فبراير 15, 2010 12:47 am




ربنا يخليكى يا عصاية الشكر لله
ماتقوليش كدا بس ، مش فاشلة و لا حاجة
بس يا عصاية بصى
الحاجة المؤنثة اخر حرف فيها ة مش هـ
سواء الـ ة بننطقها ت فعلا او بننطقها هـ
يعنى المفروض تقولى برضه
أنا فاشلة فى اللغة العربية
طبعًا مش فاشلة و لا حاجة زى ما قلت لك
انا بس بوضح لك
فاشلة .. مؤنث
اللغة .. مؤنث
العربية .. مؤنث
فآخر الكلمة اسمه تااااء التأنيث
مش هـ
و شكــرًا للمتابعة

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: الـ واو حرف عطف ، مش ....   الجمعة فبراير 19, 2010 11:05 am




سلام عليكم
ازيكم يا جماعة؟
فى المشاركة دى هنتكلم عن
حرف الـواو ( و )

ايه الخطأ اللى بنرتكبه فى استخدام الحرف دا؟؟
الخطأ دا بيكون اثناء الكتابة
بنشبك حرف الـ و مع الكلمة اللى بعده
ايه السبب؟؟ ... انا مش عارف
فلو سمحتم يا جماعة حرف الواو دا حرف مستقل
المفروض نسيب قبله مسافة و بعده مسافة


و انا جايب لكم كلمات تعرفكم هل الفرق كبير ولا لا ...
>
و رقة الشاعر
ورقة الشاعر

فى الكلمتين دول مثلا
فى الأولى سبنا مسافة بين الـ و و الكلمة اللى بعده
و هو دا الصح لاننا عايزين نقول (و رقة الشاعر) يعنى و الرقة بتاعة الشاعر
انما فى الجملة التانية بقى لما ماسبناش مسافة اصبح المعنى ايه؟؟
(ورقة الشاعر) .. يعنى الورقة بتاعة الشاعر
انتو متخيلين الفرق؟؟

للعودة للمشاركة الأولى اضغط هنا


_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أخطاء شائعة   السبت فبراير 20, 2010 1:48 pm

أنا خلاص فهمت الحلقة الأولانية والحمدلله

بس هطبقها ف موضوعك ده بس
الا اذا اشتركت ف مسابقة للغة العربية

وبالنسبة للحلقة التانية فأنا فعلا فعلا مش بعمل ده خااالص
الحمدلله يعنى
وبجد بجد(مش مجامله) موضوعك ده هستفاد منه كتير أوى
شكرا...

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   السبت فبراير 20, 2010 4:07 pm




أشكــركِ يا عصاية شكــرًا جــدًا جزيــلا للمتابعة
بحقٍ أحييكِ على هذا ، و ممتن جدًا لمتابعتك هذه
يشرفنى كثيرًا أن يكونَ لى حرفٌ له دور فى رأيك


بخصوص خطأ الحلقة الأولى ، فأرى أنّه تمت معالجته و الحمد لله
لكنّك وقعتِ به فى كلمة (مش مجامله) فكان عليكِ أن تكتبى (مش مجاملة)


بخصوص خطأ الحلقة الثانية ، فأرى أنّك لم تتجنبيه فى قولك (وبجد بجد) فكان عليكِ أن تكتبى (و بجد بجد) أى كان عليكِ أن تتركى مسافةً بين حرف الـ واو و كلمة بجد

بخصوص تعقيبك
عصايه هانم كتب:

بس هطبقها ف موضوعك ده بس
الا اذا اشتركت ف مسابقة للغة العربية


فاتمنّى أن يكونَ على سبيل الدعابة
لأنّه علينا العمل بما تعلمناه حيث كنّا
لأنّنا سنحاسب عمّا إذا عملنا بما علمنا أم لا ؛ و الله أعلى و أعلم


و التمس منكِ و من الجميع ، ألا يكون هذا التدقيق مصدر ضجر و سأم ؛ برجاء تقبل هذا منّى بصفة الأخ ، ليس إلا ؛ و برجاء الصبر حتى نتعلّم حقًا ، لأنّ العلمَ ليس مجموعةً من النصوص المدونة بعددٍ من الكتب ، لكنّ العلم الممارسة ؛ كذلك الأمر مع اللغة إن لم يكن الأمر أهم لأن اللغة وعاء الفكر ؛ فعلى العامة إجادتها كى يستطيعوا أن يعبروا عن تفكيرهم و أفكارهم بشكلٍ واضح و بليغ ، و كى يستطيعوا أن يفهموا ما يسمعونه و يقرأونه

و آسف للإطالة

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أخطاء شائعة   السبت فبراير 20, 2010 4:34 pm


و لا يهمك خاااااااالص
أنا هخلينى معاك ف الموضوع ده لحد ما الكلام يتظبط

و بالنسبه لكلامى فوق فهو كان مش هزار
بس ما دمت مصمم اننا نطبّق الكلام ده ف أى مكان
فأنا أوعدك انى هحاول بقدر الامكان

و بالنسبه لكلامك عن ان التدقيق ده مصدر ضجر و ملل
فأنا من رأيى ان اللى مش حابب الموضوع يبقى ما يدخلش عليه
ومفيش حد يا أحمد هيدخل ع الموضوع و هو مش حابه
و من رأيى أنا زى ما قلت فوق ان الموضوع ده مفيد جدا جدا
و هحاول أتعلم منه
سلااااااااام

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   السبت فبراير 20, 2010 4:41 pm

عصايه هانم كتب:

و لا يهمك خاااااااالص
أنا هخلينى معاك ف الموضوع ده لحد ما الكلام يتظبط

و بالنسبه لكلامى فوق فهو كان مش هزار
بس ما دمت مصمم اننا نطبّق الكلام ده ف أى مكان
فأنا أوعدك انى هحاول بقدر الامكان

و بالنسبه لكلامك عن ان التدقيق ده مصدر ضجر و ملل
فأنا من رأيى ان اللى مش حابب الموضوع يبقى ما يدخلش عليه
ومفيش حد يا أحمد هيدخل ع الموضوع و هو مش حابه
و من رأيى أنا زى ما قلت فوق ان الموضوع ده مفيد جدا جدا
و هحاول أتعلم منه
سلااااااااام



ربنا يخليكى يا عصاية
أحرجتينى بذوقك
هو دا العشم و الله
بجد شكــرًا على كلامك الجميل دا
ربنا يكرمك يا رب
و الله المستعان

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: الحلقة الثالثة زكى أم ذكى؟   الأربعاء فبراير 24, 2010 12:02 pm

خطأ النهارده هو اللخبطة بين (زكى) و (ذكى)


الفرق هو الحرف الأول زى ماحنا شايفين
بس إيه الفرق بينهم غير الحرف الأول بقى .. الفرق فى استخدام الكلمتين يعنى؟؟
كلمة زكى دى هى الاسم اللى الناس بتتسمّى بيه .. زى احمد زكى كدا
لكن ذكى بقى دى صفة ، ماحدّش بيتسمّى بيها
زكى جاية من التزكية و الزكاة .. و اللى معناها بيكون قريب من التدعيم أو التزويد يعنى أو حاجة زى كدا
إنما ذكى جاية من الذكاء ..اللى معناه سرعة الفهم يعنى


يبقى لو احنا قاصدين الاسم نكتبها زكى .. بالـ ز
لكن لو قاصدين الصفة نكتبها ذكى .. بالـ ذ

للعودة للمشاركة الأولى اضغط هنا


_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
HaMaDa SaLaH
الإدارة العــــــامة
الإدارة العــــــامة


ذكر
العذراء
الحصان
عدد الــمــساهـمــات : 2431
تاريخ الميلاد : 08/09/1990
العمر : 26
العمل/الترفيه : طالب / مدير منتدى
الفرقة : الثالثة
القسم أو الشعبة : جيولوجيا
تاريخ التسجيل : 16/06/2008
الأوسمة :



مُساهمةموضوع: رد: أخطاء شائعة   الأربعاء فبراير 24, 2010 7:43 pm

انا بعمل الخطأ التاني كتير بس هحاول اتجنبه

بالنسبة للخطأ الثالث

انا مكنتش عارف الفرق بين الكلمتين

شكرا يا باش مهندس

_________________

الـــتـــوقــيــع :
الرجوع الى أعلى الصفحة اذهب الى الأسفل
http://www.7elwan.3oloum.org
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أخطاء شائعة   الخميس فبراير 25, 2010 3:21 pm

لا لا لا لا لا

هنا بقى أنا مش بعمل الخطأ التالت
و عارفة الفرق بين الكلمتين
(المرة دى كلامى بجد مش زى كل مرة)

بس ممكن سؤال ؟؟؟
لما آجى أقول "زى كل مرة"
كدة أنا كتبتها صح ولا المفروض أكتبها "ذى كل مرة"؟؟؟

وشكرا بجد موضوع مفيد جدا

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   الخميس فبراير 25, 2010 4:06 pm

HaMaDa SaLaH كتب:
انا بعمل الخطأ التاني كتير بس هحاول اتجنبه
بالنسبة للخطأ الثالث
انا مكنتش عارف الفرق بين الكلمتين
شكرا يا باش مهندس

شرفنى مرورك يابو صلاح

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   الخميس فبراير 25, 2010 4:06 pm

عصايه هانم كتب:
لا لا لا لا لا
هنا بقى أنا مش بعمل الخطأ التالت
و عارفة الفرق بين الكلمتين
(المرة دى كلامى بجد مش زى كل مرة)

بس ممكن سؤال ؟؟؟
لما آجى أقول "زى كل مرة"
كدة أنا كتبتها صح ولا المفروض أكتبها "ذى كل مرة"؟؟؟



هههههههههه
ماشى يا عصاية

بخصوص سؤالك .. فـ زى مش فصحى ، لكن لو حابين نقولها فنقولها بالـ ز عادى
لان (ذى) ليها معنى تانى غير اللى احنا نقصده بـ زى ؛ فــ ذى معناها صاحب (هى كلمة ذو و لكن مجرورة)
صاحب يعنى عنده كذا .. زى ذو القرنين مثلا
طبعًا هو فيه فرق فى النطق ، الـ ذ فى ذى بتكون مكسورة ، بس زى اللى بمعنى مثل بتتكتب بالـ ز

و الله أعلى و أعلم

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أخطاء شائعة   الجمعة مارس 12, 2010 11:42 am

فين باقى الأخطاء ؟؟؟


طب لو مش هتكمل الموضوع دلوقت يا أحمد
هل يحق لى السؤال عن بعض الأخطاء ف اللغة العربية؟؟
أنا عندى اسئلة كتير و لكنها لا تخص أى حلقة من الحلقات السابقة

منتظرة الرد...

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   الجمعة مارس 12, 2010 2:03 pm




أكيــد يا عصاية
دا يسعدنى جدًا و يثرى الموضوع كتير
بخصوص التكملة فانا اكيد هكمل ان شاء الله
بس اصلى الخطأ اللى بييجى فى بالى بكتبه
انا مش محضر حاجة او بنقل من مكان ، و لانى اليومين دول فيه شوية حاجات كدا عندى ، فمش قادر اكتب بالمعدل المعتاد يعنى
فلو فيه أسئلة اتفضلى اسألى و ان شاء الله اجاوب على اللى اقدر عليه ، و هنكمل الموضوع برضه ان شاء الله
و ربنا يقدم ما فيه الخير

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   الجمعة مارس 12, 2010 2:11 pm

الباش مهندس كتب:
طبعًا هو فيه فرق فى النطق ، الـ ذ فى ذى بتكون مكسورة ، بس زى اللى بمعنى مثل بتتكتب بالـ ز
و الله أعلى و أعلم



دا بخلاف الفرق فى نطق الحرف أصلا
الـ ذ المفروض نخرج لسانـّا فيه ، انما الـ ز لأ
و الله أعلى و أعلم

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
osamakhayyal
عالم مشهور
عالم مشهور


ذكر
السمك
الماعز
عدد الــمــساهـمــات : 1190
تاريخ الميلاد : 19/02/1991
العمر : 25
العمل/الترفيه : طالب على ما تفرج /سماع الشعر
الفرقة : الثانية
القسم أو الشعبة : جيولوجيا
تاريخ التسجيل : 31/12/2008
الأوسمة :



مُساهمةموضوع: رد: أخطاء شائعة   السبت مارس 13, 2010 12:12 am

اشكرك يا باش مهندس على

التنبيه على الاخطاء التلاته
احييك على اختيارك للاخطاء الشائعه فعلا
واصلاحها بشكل سلس وفعال
اكيد انا اول المستفيدين
تحياتي

_________________

الـــتـــوقــيــع :
القدس عروس عروبتكم

فلماذا أدخلتم كل زناة الليل إلى حجرتها ؟؟

ووقفتم تستمعون وراء الباب لصرخات بكارتها

وسحبتم كل خناجركم

وتنافختم شرفا

وصرختم فيها أن تسكت صونا للعرض

فما أشرفكم






الرجوع الى أعلى الصفحة اذهب الى الأسفل
http://osamakhayyal.blogspot.com/
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   السبت مارس 13, 2010 2:10 pm

أشكــر لك المرور يا أسامة
سعيد ان الموضوع أفادك
و ان شاء الله تتابع معانا

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أخطاء شائعة   السبت مارس 13, 2010 7:23 pm

أنا كنت دايما بقول ان حرف ال "ى" دايما بيبقى ف آخر الكلمة

و حرف ال "ي" بيبقى دايما ف وسط الكلمة
لكن أنا لاحظت ف بعض الحروف : انتهائها بحرف ال"ي"
زى مثلا : في - علي - الي

يا ترى ايه الصح؟؟؟

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   السبت مارس 13, 2010 7:34 pm

عصايه هانم كتب:
أنا كنت دايما بقول ان حرف ال "ى" دايما بيبقى ف آخر الكلمة

و حرف ال "ي" بيبقى دايما ف وسط الكلمة
لكن أنا لاحظت ف بعض الحروف : انتهائها بحرف ال"ي"
زى مثلا : في - علي - الي

يا ترى ايه الصح؟؟؟

جميل جدًا سؤالك يا عصاية
أولا هوضح لك استخدام الناس لـ (ى) ، و (ي) فى آخر الكلمة امتى ..
هم بيقولوا لو الحرف قبل الأخير مكسور ، يبقى نكتب ي بنقطتين
لو الحرف قبل الأخير مفتوح ، يبقى نكتب ى من غير نقط

فى الحقيقة انا سألت ف الموضوع دا مدرس العربى بتاعى أيام ثانوى
و برّأ اللغة من موضوع ان آخر الكلمة يكون ي تحتها نقط
و قال الـ ى فى آخر الكلمة مايتحطش تحتها نقط

و بالدعبسة مع نفسى ، لقيت انها ساعات بتتكتب كدا فى الفارسى ، انما مش فى العربى

بس رجعت اتناقشت فى نفس الموضوع مع مدرس لغة عربية - خريج جامعة الأزهر - حديث التخرج ، قال لى ممكن تتكتب ي بنقطتين عشان توضح ان الحرف اللى قبلها مكسور
قلت له طاب ماحنا نحط ع الحرف اللى قبلها كسرة ، و قضى الأمر ، ايه بقى نحط نقطتين و مانحطش نقطتين؟
فماردش عليّا

؛ و عليه
فلا زلت أرى أنّ الـ ي فى آخر الكلمة (بنقطتين) خطأ شائعًا
و يتم التمييز بينهما بوضع التشكيل على الحرف قبل الأخير
على سبيل المثال ....
عـلِــى .. على الاسم (اللام مكسورة)
عـلـَـى .. حرف الجر (اللام مفتوحة)


و الله أعلى و أعلم

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
عصايه هانم
عالم مشهور
عالم مشهور


انثى
الدلو
الماعز
عدد الــمــساهـمــات : 2087
تاريخ الميلاد : 01/02/1992
العمر : 24
الفرقة : الثانية
القسم أو الشعبة : جيولوجيا
تاريخ التسجيل : 03/12/2009
الأوسمة :

مُساهمةموضوع: رد: أخطاء شائعة   السبت مارس 13, 2010 7:50 pm

كلام جميل يا أحمد


يعنى أنا ماليش دعوة باللى بيبقى مكتوب و ألتزم باللى أنا قلته ف أول سؤالى

ال "ى" ف آخر الكلام
و
ال "ي" ف وسط الكلام

شكرا ع الرد السريع

_________________

الـــتـــوقــيــع :












إن طالت الأيام ولم تروني ... فهذه كتاباتي فاذكروني
و إن سألتم عنّي و لم تجدوني
فاعلموا انّه تم تسجيل رحيلي للأبد.. فادعولي

سلاااااااااااااااااااااااااام
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين


ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 26
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: أخطاء شائعة   السبت مارس 13, 2010 8:01 pm

تمام كدا يا عصاية
الشكــر لله

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
 
أخطاء شائعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Scientific Student Conference  :: الــمـــنــــــارة :: قــســم اللــغات-
انتقل الى: