Scientific Student Conference
عالمنا العزيز .. يسعدنا أن تساعد مجتمعنا على النهوض من جديد بأن تكون أحد أعضاء فريق المؤتمر العلمى الطلابي


Scientific Student Conference

مـعـًا نـــحـقـق الحــلـم
 
الرئيسيةابحـثالتسجيلدخول

شاطر | 
 

 منهج الحيوان التيرم الأول(سنة أولى... اجمع)

اذهب الى الأسفل 
كاتب الموضوعرسالة
dr_sh
عالم متميز
عالم متميز


انثى
العقرب
النمر
عدد الــمــساهـمــات : 115
تاريخ الميلاد : 25/10/1986
العمر : 31
الفرقة : غير ذلك
القسم أو الشعبة : علم حيوان
تاريخ التسجيل : 17/01/2010

مُساهمةموضوع: منهج الحيوان التيرم الأول(سنة أولى... اجمع)   السبت يناير 23, 2010 9:28 am

بسم الله الرحمن الرحيم

طبعا الناس اللي بتكون لسه طالعة من الثانوية العامة بعد ما تتطحن في المذاكرة والدروس والامتحانات والقلق والنتيجة وخلافه وينتهي بيهم المطاف في كلية العلوم بتكون صدمتهم كبيرة بس بيقولوا يلا وماله أهه الحمد لله هنلبس البالطو برضه ومش هنتحرم من الدكترة وبيكون طبعا بعد ما اتطحن في ثانوي نفسه بقى يعيش شوية ويستريح وطبعا زي ما بتشوفوا في الأفلام ان طلبة الجامعة ديه ناس مرفهة تحضر ما تحضرش تذاكر ما تذاكرش مش فارقة كتير لانهم كلهم بينجحوا في الآخر أحب أبشركم ان اللي دخل كلية العلوم ده يختلف كليا عن باقي الطلبة يعني اللي مش قد التعب والمذاكرة يحول لكلية تانية أحسن من أولها أما لو كنت انسان ملتزم وبتاع شغل فأهلا وسهلا بيك معانا في كلية العباقرة وأكيد الكلية هتتشرف بانضمامك ليها وعلشان نبقى واضحين الحضور من أول يوم تنقل جدولك وتطير على المحاضرات والسكاشن وخلافه وفيه طبعا غياب في السكاشن يعني اللي يغيب 3 مرات في سكشن يتحرم من امتحان العملي واللي يسقط في العملي هيشيل المادة
طبعا حكاية نشيل مادة ديه يا ريت بلاش منها كده من أولها لأنها بتكون عبـء كبير عليك لما تذاكر مادة أو اتنين بالاضافة لمواد السنة الجديدة
اتكلمنا كتير بس معلش ديه مقدمة كان لابد منها أما بالنسبة لمنهج الحيوان في التيرم الأول يا سنة أولى بينقسم لجزئين
1-التشريح anatomy
2-أنسجة histology
أولا علم الحيوان اسمه zoology وده معناه علم الحيوان لان مقطع zoo بيدل على الحيوان ومقطع logy معناها علم وده باللاتيني طبعا
((فيه كتاب جميل جدا اسمه بيولوجية الحيوان العملية بالعربي والانجليزي معا علشان لو في حاجة مش فاهمها تلاقي ترجمتها وده فيه المنهج بكل رسوماته وطرق التشريح أنصحكم تجيبوه بس الجزء الأول ماشي لان فيه منه 3 أجزاء وهتلاقوا عليه رسمة ضفدعة))
بالنسبة لجزء التشريح فده تقريبا نصف المنهج واللي بنشتغل فيه على الضفدعة بناخد في البداية مقدمة عن الضفدعة وشكلها الخارجي وطريقة معيشتها وتغذيتها وخلافه وبعدين نرسمها وبعد كده بنبدأ نعرف ازاي أخدر الضفدعة علشان أشرحها وايه الأدوات المطلوبة للتشريح وطبعا البالطو يكون جاهز من تاني سكشن واللي مش معاه البالطو هو حروبعدين هتاخدوا العضلات اللي عند الضفدعة والأحشاء العامة ونخش بعديها على الأجهزة
1- urinogenital system وده الجهاز البولي التناسلي لان الضفدعة غير الانسان عندها الجهازين مع بعض مش منفصلين وهنرسمه ونعرف طريقة تشريحه
2- venous system proper الجهاز الوريدي الأصيل وده برضه هنرسمه ونعرف طريقة تشريحه
3- venous portal system الجهاز الوريدي البابي هنرسمه ونشرحه
4-arterial system الجهاز الشرياني هنرسمه ونشرحه
هناخد كمان شكل القلب من الناحية الأمامية والبطنية وعدد حجراته
غير طبعا اننا لازم نتطرق لجهازها الهيكلي skeletal system واللي بينقسم لجهاز هيكلي محوري axial وطرفي appendicular وطبعا هنرسم العظم ده كله وهنشوفه عملي ومطالبين بيه في الامتحان
فيه كمان الجهاز العصبي وده هنرسمه وهنشوفه في الضفدعة
طبعا فيه ناس هتقول ليه الضفدعة بالذات اللي بنشرحها (ديه حتى مقرفة وبتخوف )
هقللك ان هي قريبة في تركيبها الداخلي للكائنات الراقية بس الأرنب طبعا أقرب وأنضف بس كمان أغلى بكتيييييروعلشان كل سكشن تشريح نجيب للطالب أرنب ولا اتنين يشرحهم يبقى عليه العوض في ميزانية الدولة
وهتعلن افلاسها قريب علشان كده تعالوا على نفسكم شوية معلش أحسن من مفيش
المهم اننا في سكاشن التشريح نهتم جدا اننا نعرف طريقة التشريح كويس لان كل جهاز ليه طريقة تشريح مختلفة عن التاني ولازم نحاول نشوف كل حاجة في الرسمة على الضفدعة لان في الامتحان ممكن الدكتور يسألك في أي حاجة في الجهاز مهما كانت صغيرة وانت من حقك تسأل المعيد على أي حاجة مش شايفها ومن الأفضل انك تشتري ضفادع من العامل اللي في القسم بعد كل سكشن علشان تتدرب على تشريح الأجهزة أول بأول في البيت وكمان مهم جدا اننا نرسم الأجهزة في ورق أبيض براحة وبمزاج كده بعد ما أروح علشان أوري الرسومات ديه لمعيد سكشني ويصححها لي علشان أعرف أنا برسم صح ولا لأ أول بأول مش أسيب كل حاجة تتراكم على دماغي وبعدين في الآخر ألاقي نفسي مش عارف أعمل ايه ولا ايه ولا ايه
بالنسبة للامتحان بتاع العملي في جزء التشريح بييجي ازاي؟؟؟؟؟؟؟
أول ما بدخل المعمل وأقعد وآخد نفسي هتلاقي المعيدين اللي معاك بيقولولك انك هتشرح جهاز كذا....... أي واحد بقى من اللي احنا ذكرناهم فوق بالاضافة طبعا لان حضرتك هترسم رسمة الجهاز ده وكمان هيجيبوا لسيادتك عظمة أو اتنين تتعرف عليهم وترسمهم رسم كامل بالبيانات وطبعا بعد ما سيادتك تشرح الضفدعة تبع خطوات تشريح الجهاز تقول للدكتور انك خلصت علشان ييجي يسألبك كام سؤال على ضفدعتك ويشوفك مشرح ازاي وبعدين يديلك درجة التشريح بحروف رمزية على ورقتك يعني A أو B أو C وكل حرف بيرمز لدرجة الدكتور بس هو اللي عارفها
ده بالنسبة لجزء التشريح
ان شاء الله لينا جولة تانية مع الجزء التاني من المنهج ال histology وازاي بييجي امتحانه




الرجوع الى أعلى الصفحة اذهب الى الأسفل
Aiya
عالم شغال
عالم شغال
avatar

انثى
السمك
الديك
عدد الــمــساهـمــات : 66
تاريخ الميلاد : 19/02/1993
العمر : 25
الفرقة : الثانية
القسم أو الشعبة : بيولوجي
تاريخ التسجيل : 21/01/2010

مُساهمةموضوع: رد: منهج الحيوان التيرم الأول(سنة أولى... اجمع)   الجمعة فبراير 05, 2010 11:48 pm

شكرااااا ليكى كتير
الرجوع الى أعلى الصفحة اذهب الى الأسفل
HaMaDa SaLaH
الإدارة العــــــامة
الإدارة العــــــامة
avatar

ذكر
العذراء
الحصان
عدد الــمــساهـمــات : 2431
تاريخ الميلاد : 08/09/1990
العمر : 27
العمل/الترفيه : طالب / مدير منتدى
الفرقة : الثالثة
القسم أو الشعبة : جيولوجيا
تاريخ التسجيل : 16/06/2008
الأوسمة :



مُساهمةموضوع: رد: منهج الحيوان التيرم الأول(سنة أولى... اجمع)   السبت فبراير 06, 2010 12:14 am

موضوع جميل بس للأسف جه متأخر لأن الترم الأول خلص بس أكيدهيفيد النس بتاعة السنة الجاي

شكرا يا Dr_sh

_________________

الـــتـــوقــيــع :
الرجوع الى أعلى الصفحة اذهب الى الأسفل
http://www.7elwan.3oloum.org
dr_sh
عالم متميز
عالم متميز


انثى
العقرب
النمر
عدد الــمــساهـمــات : 115
تاريخ الميلاد : 25/10/1986
العمر : 31
الفرقة : غير ذلك
القسم أو الشعبة : علم حيوان
تاريخ التسجيل : 17/01/2010

مُساهمةموضوع: رد: منهج الحيوان التيرم الأول(سنة أولى... اجمع)   السبت فبراير 06, 2010 6:34 pm

Aiya كتب:
شكرااااا ليكى كتير
الشكر لله يا آية
الرجوع الى أعلى الصفحة اذهب الى الأسفل
dr_sh
عالم متميز
عالم متميز


انثى
العقرب
النمر
عدد الــمــساهـمــات : 115
تاريخ الميلاد : 25/10/1986
العمر : 31
الفرقة : غير ذلك
القسم أو الشعبة : علم حيوان
تاريخ التسجيل : 17/01/2010

مُساهمةموضوع: رد: منهج الحيوان التيرم الأول(سنة أولى... اجمع)   السبت فبراير 06, 2010 6:35 pm

HaMaDa SaLaH كتب:
موضوع جميل بس للأسف جه متأخر لأن الترم الأول خلص بس أكيدهيفيد النس بتاعة السنة الجاي

شكرا يا Dr_sh
أكيد طبعا
شكرا لمرورك
الرجوع الى أعلى الصفحة اذهب الى الأسفل
pharmo
عالم مشهور
عالم مشهور
avatar

ذكر
الجدي
الماعز
عدد الــمــساهـمــات : 401
تاريخ الميلاد : 01/01/1992
العمر : 26
الفرقة : الثانية
القسم أو الشعبة : غير ذلك
تاريخ التسجيل : 26/08/2009

مُساهمةموضوع: رد: منهج الحيوان التيرم الأول(سنة أولى... اجمع)   السبت فبراير 06, 2010 9:36 pm

علم جميل اوي
شكرا ليكي dr_sh
الرجوع الى أعلى الصفحة اذهب الى الأسفل
dr_sh
عالم متميز
عالم متميز


انثى
العقرب
النمر
عدد الــمــساهـمــات : 115
تاريخ الميلاد : 25/10/1986
العمر : 31
الفرقة : غير ذلك
القسم أو الشعبة : علم حيوان
تاريخ التسجيل : 17/01/2010

مُساهمةموضوع: رد: منهج الحيوان التيرم الأول(سنة أولى... اجمع)   الأحد فبراير 07, 2010 10:43 am

pharmo كتب:
علم جميل اوي
شكرا ليكي dr_sh
[size=18]
الشكر لله
هو فعلا علم جميل ومشوق جدا
بس الصدمة بتبقى صعبة شوية على سنة أولى
ربنا معاهم
الرجوع الى أعلى الصفحة اذهب الى الأسفل
arwa rashad
عالم مشهور
عالم مشهور
avatar

انثى
السرطان
القرد
عدد الــمــساهـمــات : 1004
تاريخ الميلاد : 09/07/1992
العمر : 25
الفرقة : الأولى
القسم أو الشعبة : بيولوجي
تاريخ التسجيل : 26/12/2009
الأوسمة :



مُساهمةموضوع: رد: منهج الحيوان التيرم الأول(سنة أولى... اجمع)   الجمعة فبراير 12, 2010 7:56 pm

جميل جدا
بس ممكن تنزلى منهج الترم التانى
الرجوع الى أعلى الصفحة اذهب الى الأسفل
dr_sh
عالم متميز
عالم متميز


انثى
العقرب
النمر
عدد الــمــساهـمــات : 115
تاريخ الميلاد : 25/10/1986
العمر : 31
الفرقة : غير ذلك
القسم أو الشعبة : علم حيوان
تاريخ التسجيل : 17/01/2010

مُساهمةموضوع: رد: منهج الحيوان التيرم الأول(سنة أولى... اجمع)   الجمعة فبراير 12, 2010 8:46 pm

arwa rashad كتب:
جميل جدا
بس ممكن تنزلى منهج الترم التانى
ان شاء الله هنزله بس نخلص الأول من منهج التيرم الأول
الرجوع الى أعلى الصفحة اذهب الى الأسفل
dr_sh
عالم متميز
عالم متميز


انثى
العقرب
النمر
عدد الــمــساهـمــات : 115
تاريخ الميلاد : 25/10/1986
العمر : 31
الفرقة : غير ذلك
القسم أو الشعبة : علم حيوان
تاريخ التسجيل : 17/01/2010

مُساهمةموضوع: رد: منهج الحيوان التيرم الأول(سنة أولى... اجمع)   الجمعة فبراير 19, 2010 9:02 pm

بسم الله توكلنا على الله
ننتقل بقى للجزء التاني من منهح التيرم الأول وهو علم الأنسجة Histology والجزء ده بيضم مجموعة من القطاعات في أعضاء وأجزاء مختلفة من الجسم زي قطاع في المرئ في المعدة في الغدة الدرقية في الكلية في الكبد وغيره من القطاعات لحيوانات مختلفة وطبعا كل رسمة بنرسمها لازم نخلي بالنا جدا بتترسم ازاي لانها عبارة عن مجموعة من الخلايا وكل نوع من الخلايا بيترسم بطريقة معينة لازم أعرفها كويس وأسأل المعيد على أي حاجة مش واضحة في الرسم وكل قطاع هنرسمه هيبقى ليه شريحة هنشوفها تحت الميكروسكوب
طبعا ناس كتير ذكية بتفتكر انها هتشوف تحت الميكروسكوب الرسمة اللي رسموها بالظبط
لأ طبعا ده مش صح في أغلب الأحيان بشوفها مختلفة خالص تحت الميكروسكوب والحل لده اني أميز كل عينة بشكل معين تحت الميكروسكوب وأرسمله في كشكولي رسم كروكي للي أنا شايفه تحت الميكروسكوب وممكن لو مش عارف أميزها بحاجة معينة أسأل المعيد ده من حقك وفي أخر التيرم هكون جمعت معايا شكل كروكي لكل شريحة بحيث اني أول ما أبص عليها أعرف هي ايه ده هو المهم وبعدها أرسم رسمتها زي ما أخدتها في السكشن

ما تخافوش في آخر سكشن في التيرم بيتعمل مراجعة عامة يتلم فيها كل شرائح الهستولوجي علشان تشوفوها تاني وتتأكدوا منها قبل الامتحان

بالنسبة للأسئلة في الامتحان فالسنة ديه كان فيه عينتين بشوفهم وأتعرف عليهم وبعدين أرسمهم رسم كامل بالبيانات وبيكون عندك وقت كافي للرسم ان شاء الله
استنوا مش بس كده

بيبقى كمان فيه 10 عينات spots يعني بشوفهم واتعرف عليهم بس من غير رسم بس لازم مع التعرف أقول اذا كان قطاع عرضي ولا طولي ولا مجرد قطاع وخلاص ونخلي بالنا ان نظام التعرف ده بيبقى صعب شوية ومحتاج سرعة وتركيز لان العشر عينات بيقف عليهم 10 طلاب ومعيد بيكون واقف معاهم وأول ما يقول change لازم تتحرك من العينة اللي انت واقف عليها للعينة اللي بعدها بمعدل تقريبا نص دقيقة لكل عينة وبعد ما تخلص مفيش رجوع على أي عينة تاني وبيبقى قدامك دقيقة تكمل فيها اللي ناقصك وبعدين بتسيب الورقة وتدخل يعني مفيش فرصة للتفكير لازم يكون ذهنك حاضر ومذاكر كويس جدا علشان تفلح
وديه كانت جولتنا باختصار مع منهج الحيوان في التيرم الأول يا رب يكون شمعة تنور الطريق شوية للناس اللي لسه هتدخل الكلية جديد
ربنا مع الجميع وتمنياتي لهم بالنجاح والتوفيق باذن الله
الرجوع الى أعلى الصفحة اذهب الى الأسفل
الباش مهندس
الدعـــم الـفـــنــّى
و مراقب المشرفين
الدعـــم الـفـــنــّى  و مراقب المشرفين
avatar

ذكر
القوس
الثعبان
عدد الــمــساهـمــات : 2229
تاريخ الميلاد : 12/12/1989
العمر : 28
العمل/الترفيه : طالب بهندسة شبرا
الفرقة : غير ذلك
القسم أو الشعبة : غير ذلك
تاريخ التسجيل : 19/06/2008
الأوسمة :



مُساهمةموضوع: رد: منهج الحيوان التيرم الأول(سنة أولى... اجمع)   السبت فبراير 20, 2010 12:52 am




كلام جميل و طريقة عرض جميلة يا دكتورة
شكــرًا جــدًا جزيــلا
جزاكِ الله خيرًا

_________________

الـــتـــوقــيــع :
ليه نجم؟!
أحلام سعيدة


موضوعى بقلمى ما لم أقل منقول

الرجوع الى أعلى الصفحة اذهب الى الأسفل
الشقى
unknown
unknown
avatar

ذكر
العقرب
الحصان
عدد الــمــساهـمــات : 1065
تاريخ الميلاد : 29/10/1990
العمر : 27
العمل/الترفيه : طالب
الفرقة : الثانية
القسم أو الشعبة : جيوفيزياء
تاريخ التسجيل : 20/02/2009
الأوسمة :

مُساهمةموضوع: رد: منهج الحيوان التيرم الأول(سنة أولى... اجمع)   السبت فبراير 20, 2010 3:47 pm

شكرا على اى حال هههههههههههههههههههههههههههههههههههههههه

_________________

الـــتـــوقــيــع :





الرجوع الى أعلى الصفحة اذهب الى الأسفل
 
منهج الحيوان التيرم الأول(سنة أولى... اجمع)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Scientific Student Conference  :: الــمـــنــــــارة :: منتدى الفرقة الاولى :: بيولوجي -
انتقل الى: